為了實現媽媽遺願，我成為了女校男生: 情人節朱古力

我打開左整朱古力嘅Notes係到睇，一步一步咁跟住黎整。情人節就到，我決定自己整朱古力俾佢，自己整先顯得我重視佢，不過…我整到一PAT野咁
 
「嘩…阿嫂，妳整pat屎出黎呀?」Jasmine睇到之後好驚訝
 
「嘩…家姐，咁似我前排肚屙果d嘅」
 
「等…等佢硬左就唔似架啦!!妳地咪嘈啦」
 
「硬左就似縮便喎!!哈哈哈哈!!」
 




我兩個妹不停係到笑我，煮飯我真係好叻、織頸巾都唔差，但係講到整甜品嘅話……
 
其實阿風唔預自己會收到朱古力，因為我同佢關係已經係公開嘅秘密
 
情人節當日，我地如常返學，當阿風一坐低，就已經有小妹妹係外邊裝裝下
 
「同學，妳搵邊個呀?」
 
「Jessie姐姐……我搵…我搵…」
 




個小妹妹怕怕羞羞咁樣，一定係搵阿風嘅
 
「妳想搵果位大哥哥呀?我幫妳叫佢出黎丫」
 
「唔..唔係呀!!!我想搵……」
 
唔係?點解佢唔係黎搵阿風嘅，不過我諗一諗，呢到係女校喎，所以一定有…TB同TBG存在
 
「我想搵Ivana姐姐架…」個小妹妹面紅紅細細聲咁講
 




「I…Ivana!!!!有人搵妳呀!!!」
 
估唔到首名入球係Ivana
 
=======================================================/
 
「你睇下你，幾多人送朱古力俾你」bb豬又扁哂咀
 
「拿!姐夫!呢份我送俾你嘅!」雪晴又將個心型朱古力送俾我
 
「妳又送呀?」
 
「咁始終我鍾意過你嘛，送俾你好正常者，細家姐都有送俾你啦」
 
「詩敏?有呀」




 
「家姐，妳好似未俾喎」
 
「係囉，個正印都未俾」
 
「你地今晚點慶祝呀?轟轟烈烈去九龍塘搞返鋪呀?」
 
「喂呀!!!咪講呢d野啦!!!」
 
「今晚妳家姐黎我到煮飯咋」
 
「食住家飯唔好咩?係都要出去食咩」
 
「家姐，姐夫係唔想洗碗者…不過妳今晚返唔返黎呀?」
 




「返呀!做咩呀!妳又諗d咩呀!」
 
「叫妳地安全d者，今晚家姐妳應該變大個女返黎囉」
 
「好啦!!!夠啦衰妹」
 
「妳地行先啦!!我約左人」
 
「約左人?」
 
我地偷偷地跟住雪晴