為了實現媽媽遺願，我成為了女校男生: 日本之旅（17）

我地一家五口一齊搭船，係船上邊睇漩渦又得，係船底睇又得
 
「ba b呀!!你睇，好神奇呀!!個海識轉架!!!」雪晴聽完Jasmine嘅事之後，心情平伏哂，仍然好開心咁捉實佢姐夫周圍玩
 
「姐夫你跳落去睇下你會唔會轉丫」
 
「妳都痴線嘅，妳唔跳?」
 
「you jump，I jump」
 




望住自己個妹妹，竟然為左我而辛苦自己，個妹真係大個女，自己識諗啦，應該可以俾佢拍拖嘅，如果遇到一個真心真意對佢好嘅男仔，試下拍拖都應該冇問題嘅
 
我地去日本時係冬天，雖然瀨戶內海係一個比較暖嘅地方，都溫度都係個位數字，所以係船上仍然有冷風吹過黎
 
「bb豬妳唔凍呀?」阿風係我身後攬實我
 
「有你攬實邊會凍者」
 
「妳仲擔心個妹呀?」
 




「咁我地都算一手拆散左佢同個男仔…」
 
「bb豬，一返到香港，我就帶埋妳地兩個，叫埋詩敏同Ivana一齊去我舊校找晦氣」
 
「做咩事呀?」
 
「果個男仔，一直係學校有女朋友，佢應該只係想同雪晴…咩完後就飛佢」
 
「下!!!」
 




「我班同學好快就起哂底，所以要俾雪晴知道，果個男仔係咩人」
 
「等我親自教訓佢!!」
 
「排隊啦喂…我成班同學都話要打佢呀」
 
「點解呀?」
 
「因為雪晴係妳妹妹」
 
睇完鳴門漩渦之後，我地就完左成個大阪之旅，感覺上同阿風嘅距離拉近左好多，我地兩家人關係愈來愈親密，仲有雪晴嘅坦白，阿風對ba b誠實嘅答覆，成為左今次旅程最大得著。