為了實現媽媽遺願，我成為了女校男生: 詩敏的回憶(4)

我食完個麵之後，就好似小綿羊咁坐返係房
 
「詩敏」
 
「係…」
 
「妳要係我地呢到住，直到契媽契爺俾妳返屋企為止，每日我地兩個會送妳同接妳返放學，個男仔果邊呢…契媽會親自拜訪對家學校」
 
「點解呀」
 




「因為果個男仔好快會俾人圍到肯唔敢再見妳，過程少不免有衝突或者佢唔小心跌到之類」
 
「阿哥你又去打人呀?唔好呀!!!我知錯啦，我唔敢啦!!你唔好打人啦，你再俾警察拉就麻煩啦…我真係知錯啦…」
 
我今次真係知錯啦，我真係喊得好犀利，我好怕哥哥因為我要入男童院
 
「我話過會保護妳架嘛，傻妹，總之妳以後乖乖地知唔知?仲有，星期一返學唔好同班主任求救，契媽會同所有老師講妳俾佢趕出家門一個月」
 
「對唔住呀…我真係知錯啦」
 




當家姐出去洗手間果時，哥哥就錫左我一啖，係…佢錫左我個咀一啖，大家唔洗誤會，哥哥經常同我咀咀嘅，特別係我唔開心同喊果時
 
「哥哥錫哂妳知唔知?」
 
「我…仲可唔可以…有冇資格做你新娘呀?」
 
「如果我搵唔返小學個初戀情人，我就搵妳做我新娘子啦」
 
我一直都知道佢暗戀果個女仔係邊個，佢係我地學校嘅優等模範生，點解我知?因為我見過佢地幅相
 




「嗯…」
 
「快d瞓啦傻妹」
 
我攬實我眼前呢個我最鍾意嘅人
 
「我要你陪我!!」
 
結果我真係屈蛇屈足一個月先可以返屋企
 
從果日之後，我嘅大小姐脾氣完全冇哂

========================================================/
 
雪凝同雪晴聽完之後，兩個都呆左係到




 
「奶奶不愧係恐怖雞，我仲好記得兩年前Jasmine成身藤條印返學果幕，冇老師敢問佢咩事，果陣冇人知佢係小恐怖雞，果陣仲有d活躍嘅同學去笑佢」
 
「之後呢家姐?」
 
「之後成個月Jasmine都頭耷耷咁返學，佢係F.1上學期D氣焰一下子就冇哂」
 
「Jasmine姐姐前年好爆架?」
 
「F.1果陣已經成個大家姐咁樣，成日郁手郁腳去打人，應該係有人教佢嘅」
 
雪凝望住我講，咁又係真嘅，契爺寵到詩敏到一個點，我同家姐又錫到佢燶咁滯
 
「唔洗問都知邊個教佢架啦，姐夫你兩兄妹都一樣橫行霸道喎」
 




「咁詩敏細細個就跟我去球場打波…」
 
「等陣先…你錫過Jasmine?」
 
「呀…係呀」
 
「你錫佢…咩位?」
 
我嘟長個咀俾雪凝睇，之後雪凝個頭又開始出煙
 
「咁……我地細細個就開始咁做……」
 
「算!!我忍你!!但佢果陣F.1喎」
 
「係呀…我地兩兄妹…」




 
「姐夫，Jasmine姐姐同我一樣啦，你唔係唔知呀?」
 
「呢層…其實…都知知地嘅…」
 
「所以佢果次黎搵我果陣嘅眼光咪好銳利囉」
 
「咁而家大家相安無事咪好囉係咪，詩敏又繼續有男仔追啦」
 
「佢仲夠唔夠膽拍拖呀?」
 
「佢會唔夠膽咩，不過佢唔鍾意人之嘛」
 
「點解你成日吸引到d小妹妹嘅呢?」
 




「天生嘅」
 
「家姐呀，咁Jasmine姐姐點樣俾人知道佢係恐怖雞個女呀?」
 
「果陣呀…」