為了實現媽媽遺願，我成為了女校男生: 日本之旅（11）

我地大約10點返到大阪，為左盡快可以瞓覺，雪晴係我地自己房沖涼，而我就去阿風間房到沖涼
 
呼呼呼…我坐係床到，阿風幫我吹頭
 
「做咩咁乖幫我吹頭呀?」
 
「怕妳攰呀」
 
「你呀…係咪同ba b講真話架?」
 




「妳指邊樣?」
 
「你想…娶我囉」
 
佢熄左個風筒再係我背後攬實我「林雪凝，妳知唔知我搵左妳5年，我知妳去左女校到讀，但d女仔唔肯講妳去邊間，怕我會去騷擾妳」
 
「咁你果陣又曳又成日蝦我…雖則話小學d男仔蝦d女仔，一定係對人有意思，想吸引人注意，但你地幾個玩到裝裙底喎，個個都驚啦」
 
「咁係我衰嘅，咁妳肯唔肯原諒我者，bb豬」
 




「咁我而家俾你攬住左啦，你話呢?你呀，下次同我一齊出席聚舊呀」我邊講邊篤佢個鼻
 
「一定會，如果…我話如果呀」
 
「咩呀?」
 
「我地讀緊大學時結婚好唔好呀?」
 
「讀緊大學果時?」
 




「嗯…」
 
「你想係畢業典禮向我求婚!!」
 
「點解妳咁諗架?」
 
「咁有咩係瘋狂得過係一間女校嘅畢業典禮，有個女校男生向同班同學著住校服求婚?」
 
「俾妳咁講，都好喎」
 
「咁快就想我嫁你啦?如果你做機師，要去澳洲一年咁我點呀?我唔想一年唔見你呀」
 
「係55星期，多過一年」
 
「咪係囉，我會掛住你架嘛」




 
「可能到時妳會一腳伸我過澳洲呢，可以自己自由一年」
 
「咁都有道理喎」
 
「幫妳按摩埋就返上去瞓啦」
 
「你唔想我陪你瞓咩?」
 
「想架，不過要阿妹一個人瞓咩」
 
「你真係好錫阿妹呀!錫到我都呷醋啦」
 
佢一聽到我呷醋又立即錫落黎
 




「唔…唔…唔…返上去啦，俾你摸左好耐啦」