為了實現媽媽遺願，我成為了女校男生: 由Miss，改口為奶奶

「咳咳!!」我認出呢把聲音，我同雪凝轉身一睇，係契媽
 
「Miss孔…」雪凝好怕羞咁同契媽打招呼
 
「幾時開始架?」契媽講果陣個樣唔知係嚴肅定慈祥，我分唔清
 
「大約幾星期之前，契媽，我同雪凝係認真，唔係玩玩下，我真係…同爸爸一樣…」我將雪凝收埋係我身後邊
 
「得，我有眼睇嘅，林雪凝小妹妹」
 




「係!」契媽第一次咁樣叫佢嘅學生，雪凝嚇到企定定，可想而知恐怖雞呢個稱號幾咁有霸氣
 
契媽慢慢行去雪凝面前再望真d佢，雪凝好怕羞咁耷低頭
 
「抬起頭!!」契媽用訓導主任嘅口吻命令雪凝抬起頭
 
「係….係!」雪凝已經俾契媽嚇到出唔到聲咁滯
 
佢再用心望一望雪凝
 




「Jessie妳愈睇愈似Sally」
 
「Sally?」雪凝一面唔明白
 
我解釋返俾佢知，Sally係我媽咪英文名
 
「唔怪得阿風咁鍾意妳，記住你地拍拖冇問題，只要唔好出事就可以」
 
「知…知道Miss孔」
 




「仲叫我Miss孔?妳唔想改口咩?」
 
「改口?」
 
「契媽要妳改口嗌佢啦傻妹」
 
「知道奶奶，我會好好照顧阿風架啦」雪凝塊面到頸都紅哂
 
雪凝叫契媽做奶奶果下我同契媽都呆左
 
「係學校範圍內，唔好有太親密行為，離開學校我就唔理你地，不過記住，呢一年內雪凝妳唔好大肚，要小心d知道未?」
 
「係…我知道…」
 
「仲有!阿風!!」




 
「係!!」
 
「下次你織頸巾俾雪凝可唔可以織好d呀?」
 
「下次先啦…下次先啦…」
 
「你地兩個得閒要返我到食飯飲湯」
 
「係，我知道啦奶奶」雪凝好快就習慣左咁叫契媽，而契媽都非常受落

====================================================/
 
Miss孔行開左之後，我先慢慢鬆口氣
 




「好驚呀?」阿風笑住咁問我
 
「訓導主任喎，點會唔驚?」
 
「妳以後要改口啦，叫佢契媽，叫詩敏做阿妹啦」
 
「我唔係叫奶奶咩?」
 
「妳鍾意啦」
 
「你話，你爸爸係畢業果日同你媽媽求婚?」
 
「係架!!所以妳想唔想試下?」
 
「邊個話嫁你呀!!」




 
我地兩個買左熱檸蜜係小食部到飲，佢趁冇人果陣拖起我隻手
 
「喂，奶奶話學校範圍內唔可以有親密行為喎」
 
「拖一下之嘛」
 
「唔俾!要聽話!!」
 
當我地返到上課室果時，已經受到大家熱烈歡迎，情況就好似新人進場咁樣
 
「好啦!!特別節目黎啦!!而家有人示範當日程生點同Jeesie表白呀!!Ready!!!Action!!!」
 
Jasmine同埋雪晴，兩個女仔係學校玩咀咀應該冇問題掛，不過我地兩個就變得好尷尬
 




佢地兩個將果日阿風同我表白嘅事再一次示範出黎，當中仲加鹽加醋，但係我同阿風又笑得好開心，我地仲係到不停提點，果日我地班玩得好開心，另一方面，我地都要準備christmas party嘅事