為了實現媽媽遺願，我成為了女校男生: 公開戀情

「妳睇下妳丫程太，妳喊到隻眼腫哂啦」
 
「妳自己咪一樣」
 
「咁我真係冇諗過你老公真係咁慘架嘛，妳而家係咪更加想照顧佢呀?」
 
「一向都係我照顧佢架啦，之前佢做物理治療都係我日日陪佢去架」
 
此時有其他同學圍係我身邊「喂Jessie，我地想問妳呢…」
 




「係」
 
「Anthony果陣唱邊首歌氹返妳架?」
 
「下?做咩咁問喎」當時我塊面就好似章魚咁紅
 
「平時夜晚佢唱咩歌氹妳瞓架?」
 
「平…平時呀?」
 




「妳地唔洗扮啦，我地全班都有眼睇、一齊返放學食飯、妳兩個一樣色嘅頸巾，妳地唔係拍緊拖都冇人信」
 
「妳認左佢啦程太」Ivana又係一面花生樣咁
 
「係…我同佢幾星期前開始左…」
 
呢句說話之後，F.6果幾排係依嘩鬼叫
 
「咁佢平日有冇唱歌妳聽氹妳瞓架?」「唔洗睇啦，一定有啦，不過係唱邊首呀?」
 




「咪…頭先果兩首囉…」我好怕羞耷低頭講
 
「姨~~~也!!!!!!!」我班同學其實都幾怪，咩都大叫一餐
 
「佢頭先講只會唱俾佢老婆聽，氹佢瞓喎，莫非妳地…同居?」
 
我繼續俾班同學包圍住，耍手擰頭「唔係呀!!佢打電話黎氹我瞓咋…」
 
「妳睇下妳幾甜丫程太」
 
「好啦，咪係學校咁叫我呀…」
 
「知啦知啦，唔玩妳啦，去接老公啦妳，佢就返落黎架啦」
 
我走去後台側門等阿風出黎，點知一打開門，佢已經俾學生會班同學集緊郵，變左成個大明星咁款




 
「Jessie妳就好啦，有個咁好嘅男朋友」，「好好睇實佢呀」
 
我地兩個行出小食部之後先開始講野
 
「妳隻眼做咩咁腫呀?」
 
「俾你整喊左囉，你就叻啦，一次過整喊成千個女仔」
 
「大家俾面我者」
 
「咁真係好感人嘛…仲有呀…你未同我拍拖就唱歌氹我瞓覺，咁快就想娶我啦…」
 
「咁…唔娶妳，可以娶邊個先?」
 




「我冇話嫁你喎」
 
我地係小食部小休之時，身後出現左兩聲假咳聲