為了實現媽媽遺願，我成為了女校男生: 你問我答(3)

「當年因為呢到入U率高，所以我爸爸申請黎做女校男生」
 
「咁你爸爸係呢到讀書時有冇咩難忘經歷呀?」
 
「有…佢就係呢到，識到我媽媽，仲俾媽媽當係色狼，星左一巴」
 
「嘩!!!!!!!!」
 
「而且在場有老師當年係佢地同班同學，見證住佢地拍拖結婚」
 




「邊位老師咁有緣呀?」
 
「講我就唔講啦，鍾意嘅話去3E班叫佢個女即場扮一次妳地睇，非常似」
 
果下我已經暗示左係契媽，而好多同學都好驚訝
 
「大家可以睇下銀幕，呢對就係我爸爸媽媽，靚仔靚女呢?」
 
「我爸爸當年除左努力讀書之外，咁佢都有約下同學去街嘅，咁果陣我爸爸用一首歌將我媽媽追到手」
 




「請問係邊首歌呀?」
 
「果首係Bee Gees嘅First of May，係一套1971年英國電影”兩小無猜”主題曲，爸爸就用呢首歌話俾媽媽知，佢地係好純潔咁拍拖，俾媽媽一巴星完之後慢慢產生感情」
 
我慢慢唱左First of May出黎，大家都好鍾意
 
「之後?畢業後結婚?」
 
「當年我媽媽係住秀茂坪嘅窮家女，所以屋企冇錢俾佢讀大學，只有爸爸一個升到大學讀書，爸爸畢業後，就立即娶左我媽媽，仲有…」
 




「係?」
 
「爸爸當年係畢業典禮後向我媽媽求婚，果陣佢地仲係著住校服」當我講出呢句時，全場氣氛推到最高
 
「你爸爸真係好愛你媽媽，之後呢?」
 
「之後佢地享受二人世界，直到我家姐出世，正式成為一個家庭」
 
銀幕中播出家姐BB時候嘅相，然後全場母性大發
 
「係家姐出世後5年，輪到我出世」
 
我果張相仲爆，係裸照咁滯，眼大大流口水，剛沖完涼
 
「一家四口，小康之家，非常幸福」




 
銀幕播出我地家人生活照，而雪凝同詩敏都開始出現係相中，有我三歲抱住詩敏錫佢張相，我地細個我同佢咀咀嘅相，我同佢以前扮新郎新娘嘅相，同埋佢小學時代係我屋企楝高腳打機同打麻雀嘅相，同我著同一set籃球裝嘅相、F.1時攬實我嘅相，著泳裝同我玩嘅相，同埋我地孖鋪反瞓嘅相
 
 
「喂呀!!!你放出黎做咩呀!!!」詩敏企係個位到大叫，面紅紅咁抗議
 
「妳媽咪俾嘅，唔滿意呀?去搵妳媽咪投訴丫笨」
 
不過我有理由相信當時雪凝塊面係黑哂
仲有我同雪凝小學嘅相，我幫雪凝抹麵粉嘅相、我地小學旅行影嘅相，包括我同佢張面貼面親密照，有一張我攬住佢扮錫佢嘅相，仲有雪晴一年級岳高頭叉腰楝高腳望我嘅相，而我每張相都會mark出我身邊係邊個
 
「喂呀!!!」今次到雪凝同雪晴抗議
 
呢d相一出果時，引黎全場大叫
 




「呼…不過到我9歲果年，爸爸患上急性白血病，由確診到離開，只係兩個月。佢最後送俾我份禮物，就係我手上呢隻蘇聯軍錶」