為了實現媽媽遺願，我成為了女校男生: 你問我答(2)

「嘩…程太，妳老公好識得帶動氣氛喎」
 
「其實佢都係做返佢自己者，所有男仔都係大細路黎架啦」
 
「妳點知架，妳都係啱啱先拍拖咋喎」
 
「咁我ba b係丫嘛」
 
「妳唔怕佢咁樣會吸引其他女仔追佢架?」
 




「咁易俾人追走嘅話，呢d男仔要黎做咩喎」
 
「妳對佢好有信心喎」
 
「咁佢係我揀架嘛，點可以唔信佢呢?」
 
=====================================================/
 
Joanne坐返好之後，又繼續我地嘅對答
 




「咁你入黎呢到之前呢…係咪已經識我地嘅同學架啦」
 
Joanne呢條問題一出，6B班、3E班同2D班全班加埋110個女仔都已經大叫
 
「妳…問埋D咁嘅問題…明係裝我彈弓者」我反白眼對住Joanne
 
「唔係，咁有傳聞你入黎之前已經識我地三位同學，想問下係唔係真嘅」
 
「係…一個就佢出世識到而家，14年，佢細個成日都話要做我新娘子嘅」
 




我講完之後， 3E班果排有把聲大叫
 
「做唔到啦!俾6B果位大姐姐霸左啦」詩敏嘗試係到我尷尬
 
「另一個就小學三年級識到而家差唔多10年，第三個就……識佢家姐先…之後先識佢…6年左右」
 
「咁而家邊個你同佢最熟呀?」
 
「妳都係想我答佢之嘛!!同班果個囉!!」
 
「好好好…下一條，點解要入黎讀書呢?」
 
終於到呢條問題
 
「唔…我要平伏下心情先，首先，學校對上一個收嘅男生，大約25年前果位9A狀元呢…係我爸爸」




 
「下!!!!!!!!!!!!!」
 
======================================================/
 
終於到左最緊張嘅時間，我好擔心佢忍唔忍等住
 
姐姐話過，一講起佢地爸爸媽媽，阿風 D眼淚會不停咁流
 
因為對佢打擊真係好大好大