為了實現媽媽遺願，我成為了女校男生: 爸爸發現的秘密

「你每次左膝止痛要食幾多止痛藥?」我聽到之後呆左係到，阿風佢…左膝受傷?
 
「風仔，請你老實答我，我有時收工會見你跑步，左膝係扎住護膝，跑果時個姿勢好唔自然，好明顯係痛緊，所以如果你唔老實回答，我係唔會，絕對唔會俾我個寶貝女同你拍拖，我唔想佢突然間見住佢男朋友係街上OD」
 
「阿風…你答ba b啦」
 
「2粒布洛芬、1粒阿士匹靈、1粒必理痛，最痛果陣會加1粒類固醇」
 
「持續左幾耐?」
 




「兩個月」
 
「痛左幾耐?」
 
「半年，每次屋企冇人，我會開始…亂諗野，所以落街跑步」
 
Ba b望住阿風再望一望我，然後寫左封轉介信
 
「風仔，呢到有封轉介信，係俾物理治療，我相信你暫時唔洗睇骨科」
 




「ba b…咁點呀?」
 
「冇事嘅，不過心病就睇下妳呢個女朋友合唔合格啦」
 
「ba b你咪聽阿妹講啦!!!」
 
雪晴係counter好大聲講「家姐妳今日仲鬼咁死開心，係妳就認左佢啦」
 
「好啦，返屋企休息下啦，記住，唔好再四隻藥一齊食」