為了實現媽媽遺願，我成為了女校男生: 互有感覺?

去到屋企門口，佢再改為公主抱咁抱我入屋，好似新婚夫婦咁抱我入屋
 
「姨仔，鎖匙，開門」
 
「好快好快」
 
原來不知不覺已經返到屋企門口，阿風同雪晴合作打開門送我入屋企
 
「房，妳間房呢?」
 




「家姐間房係中間果間呀」
 
「好…慢慢落，小心小心」
 
阿風慢慢放我係床上，再幫我除埋對鞋襪之後佢就坐係地下上邊
 
「我真係好重呀?」
 
「唔係呀，只係…」
 




「只係咩呀?」
 
「我第一次上女仔屋企，入家姐以外嘅女仔房…所以…」
 
「唔好意思…間房好亂」
 
「亂?下次妳黎睇下我家姐間房丫，嚇死妳都似」
 
「真係?」
 




「胸圍底褲絲襪制服周圍飛」
 
「但係佢男朋友好鍾意佢喎」
 
「我恨不得佢快D嫁走」
 
「佢嫁左之後，邊個同你住呢?邊個照顧你呢?」
 
「我咪搵個女朋友囉」
 
「你搵緊?有心上人?」
 
「呀…」
 
「我地班嘅?」




 
「妳咁八架」阿風微笑咁對住我講
 
當時，佢伸高個頭望住我同我傾計，個頭瞓左係我大脾上，我個心跳得更快
 
「咁…你鍾意過我…我點知會唔會俾你飛架」
 
「唔會啦，妳有咁多男仔追」
 
「邊有喎」我鼓起泡腮對住佢
 
「妳鼓起泡腮個樣真係冇變喎」
 
「邊個話你知我有男仔追?」
 




「Ivana囉，妳係冰山美人嘛」
 
「你咪聽佢講啦，我係有鍾意嘅人…不過…」
 
「不過咩?」
 
果下我地四隻眼對望住，我兩隻眼向下望，佢兩隻眼倒轉向上望，大家都唔出聲，我伸出雙手摸住佢塊面，我見到…佢同我一樣塊面紅哂
 
「bb豬?」
 
「嗯?」