為了實現媽媽遺願，我成為了女校男生: 心思，沒有變過

「我…我係咪好重呀?」
 
「妳都叫重?頭先公主抱抱起妳都唔覺妳重啦，其實妳有幾重呀?」
 
「1…105磅」
 
「bb豬妳好輕者」
 
「喂呀…仲咁叫我架」
 




「妳怕羞呀?」
 
「我係女仔黎架，你無啦啦咁叫我…」
 
「得啦得啦，唔咁叫啦」
 
「你咁樣叫我，你仲鍾意我呀?」
 
「我而家鬼得閒鍾意妳呀」
 




我將個頭放係佢膊頭上，只要我將塊面一轉90度，就可以鍚到佢塊面。剛先係學校佢隻手捉實我果時，已經覺得好有安全感，佢身上溫暖傳過黎之時，忽然發現眼前呢個男仔可以付託終身。
 
佢係除左爸爸之外，第一個孭起我嘅男仔，我心口緊貼佢背部，同時間，佢雙手又掂住我大脾，有少少色色嘅感覺，但不得不承認，我仲係好鍾意眼前呢個男仔，自從中學開始，為左佢，我拒絕過幾個名校男仔。Ivana成日問我點解咁傻，要去等一個唔知會唔會再見面嘅男仔，可能…呢d叫初戀掛。