為了實現媽媽遺願，我成為了女校男生: 親自下廚

「喂，妳老公串妳唔識煮野食喎」
 
「佢唔知我係呢5年廚藝進步幾多姐!」
 
「妳想煮野食俾佢?」
 
「煮咪煮囉!怕佢呀?」
 
於是果晚，我打電話媽咪叫佢幫我買幾樣餸之後就將佢趕左出廚房，我親自下廚
 




另外一個原因……如果唔係我煮嘅話，就唔可以煮埋阿風果份
 
「嘩~家姐~原來愛情嘅魔力真係咁大架?」
 
「咩…咩野愛情魔力呀?」
 
「乜而家我地兩姊妹胃口咁大架咩?整三個飯盒?」
 
「多事啦妳!」
 




雪晴望一望D餸，有菜心炒牛肉、蕃茄炒蛋、薯仔抆雞翼
 
「咁家姐以後都係妳煮飯呀?」
 
「當然唔係啦!」
 
「做乜今日妳親自落廚呀?」
 
「妳姐夫串我話我唔識煮飯，我就煮俾佢睇!」
 




「下?一齊左啦」
 
「唔…唔係呀!細聲D啦妳! 」
 
「又唔係一齊左，家姐妳煮飯俾佢食做咩呀?」
 
「咪多事啦」