為了實現媽媽遺願，我成為了女校男生: 那些年，她0分的廚藝

經過早輪微波爐之亂，我同雪凝 & Ivana好似變左三人行咁，當食飯時候雪晴就會join埋我地，變成一檯麻雀
 
而我對雪凝已經冇左小學果種暗戀之情(好似係)，但係我仍然好樂意咁整蠱佢
 
身為班長嘅我地，自不然要為全班同學服務。印notes，買野之類一手包辦
 
「嗯…我認為大家應該整一整塊壁報會令到間課室多少少氣氛，班長s!」
 
「係!」「係!」
 




「咁就交俾你地兩個啦，有冇問題?」
 
「冇!」「冇!」
 
「嘩…你地咁合拍嘅?拍緊拖呀?」
 
「唔係!」「唔係!」
 
「Jessie妳洗唔洗調去Anthony隔離坐呀?」
 




「唔洗!」「唔洗!」
 
「喂呀!我地班仲有28個人係到架，你地唔好一早就係到放閃光彈啦」
 
「我想話呢……婚姻註冊處都唔係好遠，洗唔洗去訂定位呀?唔係喎，Anthony你信教架喎，不如去揀定教堂啦好嘛?」
 
「Miss呀，我屋企已經有部微波爐，我唔想再放多部係我屋企，仲要一部唔識煮野食嘅微波爐」我指住雪凝恥笑佢小學廚藝0分
 
「Jessie唔識煮野食?冇可能喎，佢家政滿分架喎」
 




「Miss妳未試過佢嘅暗黑料理者，我當年食完差d想死左去，如果唔係班男仔拉住我，我已經跳樓去左啦」
 
未講完，雪凝已經搵野扔過黎
 
「喂!!!果次….係意外!!」
 「米唔夠水、唔夠熟、超硬，雞翼係炭燒風味，黑過阿嬌咁都叫意外?」