交友app嘅萬事屋: 浮浮沉沉

浮浮沉沉：
27/4/20

今日又係一個平平無奇嘅一日，阿爸阿媽晨早就起身返咗工而我就琴晚打機打到兩三點先訓。今日係我由英國返嚟香港居家隔離嘅第七日，唉頹吓頹吓咁又一星期，日日都重複做同一様嘅野起身就已經十一點幾簡單梳洗完之後就叫個外賣食，咁就解決咗個早午餐。跟住晏晝三點就夠鐘上堂上個半鐘之後就開始打機，打吓打吓就打到阿爸阿媽返嚟買外賣俾我食，食完飯沖過涼又繼續打機，打到攰就上床瞓覺一日就咁又完咗啦。臨瞓前喺我玩緊社交媒體嘅時候突然間見到一個交友app嘅廣告，我心諗「又係呢啲交友app成日都有新聞報嗰啲無知嘅女仔或男仔上呢啲交友app俾人呃左好多錢㗎喎不過我諗應該冇事嘅」同埋呢個禮拜已經重複做同樣嘅嘢好無聊，係時候要有啲改變跟住我就下載咗落嚟試吓玩啦，不過今日打機實在打得太得太耐實在太攰聽日先再算。

呢個時候阿銀仲未知道佢將會遇到咁多嘅事情係呢一刻阿銀嘅生活模式將會完全顛倒。

因為琴晚打機都打到兩點，所以呢都差唔多成10點幾先起身，一起身簡單梳洗後沖左一杯齋啡提一提神跟住又好似平時咁等個早午餐外賣。當我係到等緊野食嘅時候我就開咗個app嚟睇吓啦。一入到去呢就要寫個標題嘅 咁求其寫住「02 好無聊傾吓計啦」原來個app呢係要寫咗個標題，然後啲人會見到你個標題啦，一係就我撳入人哋嗰度，一係就人哋撳入我嗰度。當我喺度食緊我嘅早午餐嘅時候我喺度碌緊人哋啲標題睇吓邊個可以試吓撳入去睇吓，跟住就見到一個寫住「04年女仔」咁我就撳咗入去試吓同佢傾吓啦。

「Hello」





「Hello」

「我叫Gordon呀 唔知你叫咩名呢？」

「我叫Hebe呀」

「係呢唔知你上咗呢個app玩咗幾耐呢？」

「我都係啱啱down咗幾日咋 你呢」





「咁啱嘅我都係喎」

「係呢請問你有冇status 我a2」

「有啊我 a3 」

我自己係到諗佢04年咁應該係讀緊中四，其實都唔係話好大個咋喎咁快上嚟交友app玩嘅，依家啲女仔真係早熟，
跟住我就繼續發問啦。





「係呢你而家先15 16 歲又唔係好大咁細個上嚟驚唔驚俾人呃㗎咩」

「都會㗎不過而家我咪同你傾緊囉我諗你唔會呃我掛，係呢話說你今年幾大」

「放心啦我都係啱啱下載落嚟玩你係第一個同我傾我點敢呃你呀
   話說我今年18歲囉」

「18歲咁即係應該02年拉 乜你今年唔使考DSE咩」

「我唔使啊因為我冇喺香港讀書好耐差唔多三年前已經過咗去英國讀書」

「哦原來係咁都幾好呀我都好想去外國讀書」

「係㗎我都覺得自己幾幸運，有機會可以去到外國讀書」





「唔知你係嗰邊啲生活係點嘅呢係咪同香港讀書好唔同㗎」

我望一望個鐘嘩咁就5點幾就6點啦阿媽應該買咗餸返嚟 一講曹操曹操就到阿媽啱啱開門口見到佢攞住一袋二袋。
跟住我就諗應該差唔多係時候沖過涼，然後等食飯。平時當我由英國放假返嚟，買餸煮飯都係由我包辦嘅
因為阿爸阿媽返工都放好遲嘅。不過而家因為我正在強制隔離所以唯有阿媽煮返，咁我就上返個app然後同Hebe講

「我而家去沖個涼跟住應該差唔多夠鐘食飯我食埋飯先再搵你啦」

「好啊咁晏啲再傾」

「ok bye bye」

唔知點解我覺得交友app又唔係想像中咁雜亂咁多怪人姐，而家同我傾緊呢個女仔感覺上都幾好啊，聽落去唔似啲會呃人嘅女仔呀希望有機會可以同佢認真咁傾吓唔知會唔會有機會可以發展我心入邊沾沾自喜，亦都好期待食完飯之後嘅對話霎時間覺得自己終於擺脫左前一個禮拜嘅生活模式。當我喺度食飯嘅途中已經默默咁喺度諗緊陣間同你講啲咩好咁講會唔會顯得自己太奇怪呢，我真係好期待好想快啲可以同Hebe繼續傾偈。