交友app嘅萬事屋: 序章

序：

我叫阿銀今年18歲係一個係英國讀緊中六嘅留學生，係2020年嘅三月底因為武漢肺炎嘅關係，係英國嘅學校全面停學亦都因為疫情嘅關係所以返咗嚟香港。

係強制隔離嘅14日留係屋企實在太無聊冇嘢做，最多都係喺上網上下堂打吓機不過呢啲都係一兩個鐘頭嘅事，實在係太無聊不過為咗自己亦都為咗其他香港人一定要留係屋企接受隔離。係呢兩個星期裏邊每日做嘅事都無咩唔同每日重複住同樣嘅事，打機都打到悶啊，而且喺香港嘅朋友們全部都要考DSE喺度努力咁奮鬥緊，我自己又係一個比較靜嘅人唔係好識去認識新朋友同埋上一段嘅感情已經係三年前係時候放低佢面對現實，話說有一日上緊社交媒體平台嘅時候就見到交友app嘅廣告，跟住我就諗反正上交友app人哋都唔識我又見唔到我不如就試吓上去壯吓膽識吓女仔呀，就係咁萌生左去試吓玩交友app呢個念頭。不過我從來都諗過係交友app裏邊會遇到咁多事，有輕鬆嘅 有悲傷嘅 有難過嘅 亦都有現實嘅，呢一個就係一個由唔同嘅小篇事件而湊合而成嘅一個故事。

本故事純屬虛構，如有雷同實屬巧合。