那一天我成為了練習男友: 【XVII】戰書

咁重火藥味係想點，鄧又人。

「未知人仔同學有何貴幹呢？」

「冇乜嘢，只係想全校嘅學生睇下你呢啲來自低下層嘅人係幾咁冇禮貌，至少從來未試過有人亂改過我花名。」

「幫你改好啲又唔比，本身都改得麻麻，肯定係玩風水先改叫人仔啦，想賺錢呀嘛，大家話系咪先啦。」

下面啲人頓時起哄，笑得幾開心。





「我唔同你一般見識，笑人哋個名好有趣咩？你老豆無教過你咩叫專重咩？」

我一聽到老豆呢兩個字就呆咗，吾知點接落去好。

「吾好意思喎，吾記得你無老豆添，你監護人簽名果度得一個簽名咋嘛。」

我自己都知呢一刻如果沉唔住氣就好大鑊，所以唯有唔比反應佢。

「我都知你好慘架啦，俾人咁樣拋低，比著係我都吾好受嘅......」人仔突然聲氣好好咁講。





「不過呢個世界冇如果嘅，可能係你前世修為唔好所以先會咁，但你呢啲人真係吾適合留係呢度，你都係離開吧啦，無謂繼續認衰我哋學校嘅聲譽啦。」

屌那星，究竟我受咗啲咩罪要聽呢條友指指點點。

「大家話系咪先，一齊趕佢走好冇呀！」

「趕佢走，趕佢走，趕佢走......」場show佢搞嘅，響應嘅人梗係多。

打從比佢帶人打我果日就應該好走啦，而家搞到咁真係夠晒白痴。





新嘅學期啱啱開始就遇到咁多事，算我唔好彩，但我真係吾想輸比佢，點解個個唔攪淨係搞鳩我。

你究竟想我點。

我默默地轉身，準備喺萬人嘅歡呼聲下黯然離開......

「麻煩你同凌希神同學道歉。」一把熟悉嘅聲音響起。

我轉身望過去，正正就係阿月嘅背影。

我即刻行過去佢嘅身邊搶咗佢支咪，然後係佢耳邊講：「你上嚟做乜呀，嫌我未夠魚呀，走啦。」

「我今鋪點都唔走架啦，見到我男朋友比人恰我仲唔幫你出返口氣我唔姓允！」

Jesus......





台下又開始起哄。

「點解你要為咗呢個咁無素養亂咁動粗嘅人動氣呢阿月。」

「除咗為咗佢之外，我自己都一早睇你唔順眼架啦，用家境去撻人好威咩？你尼啲只係偽君子咋。」

「你隔離果個先係呀，無禮貌又唔識講嘢，上次仲係走廊到屈我，我而家只係係度教佢點做人。」

「你就係明知佢係台上就會無話語權先會上嚟做show恰佢咋嘛，吾洗再講嘢啦，我而家就同你係度下戰書！」

「阿月你係度搞咩呀，唔好玩啦。」我哀求佢吾好再火上加油，明明我快啲閃人就唔會有咩事發生。

「我哋會係學生會選舉同你打對台，如果我哋輸咗，就要離開呢間學校，呢個條件如何？」阿月無視咗我，直接宣戰。





「無問題呀，咁如果我輸咗嘅話我就條件一樣？」

咁咪益咗你，反正都係要玩就玩大佢啦，已經無咗條回頭路。

「走唔走你自己話事，但我要求你輸咗嘅話要跪地斟茶同我認錯，因為係我立場嚟睇你的確係打過我，咁樣得吾得？」

「梗係冇問題，公義自有分曉，我冇錯又點會輸俾你，睇嚟三個星期後就可以同你講再見lu哈哈。」

「咁我就以呢度所有人共同見證我哋嘅條件，係咁。」

我輕輕抌低支咪，慢慢就返入後台離開眾人嘅目光。

今次真係仆晒街。

「你係度搞乜撚嘢呀，你明知我哋吾夠佢玩呀，仲係度煽風點火？」我怒斥阿月。





「反正留係度都係要睇佢面色，反佢咪仲好，大不了走咋嘛，最多我陪你囉。」

我都吾知可以講咩駁佢，唯有接受呢個現實喇。

接受要係學校挑戰擁有最大權力嘅學生代表呢件事。