冬末春初，愛做義工的我遇見渾身煙味的你: 2.9 大學生的社交

「你平時有咩做？」Joe把手機放在檯上，然後看著我。
 
我想了一想，然後回答：「除左去做義工，通常都係幫人補下習搵少少外快。都冇咩喇，其他時間都起屋企。」
 
「我都係幫人補習搵下錢。有冇上莊啊？」Joe好奇的問。
 
大學生的交流大概都是問幾個問題，除了最基本的「邊間大學？讀咩？Year幾？」
 
就是「有冇住hall？有冇上莊？有冇parttime？有冇拍拖？」
 




這是大學生了解一個人的方法。
 
「冇啦，呢啲咁chur嘅野。你見我咁摺，就就知唔啱我啦。」
 
Joe認真聽著，然後點頭認同。
 
「上莊真係一件好蠢嘅事，日以繼夜、夜以繼日chur啲冇意思嘅野，咩con day啊都唔知為乜。有時見我間u，啲人dem cheers，都唔知有咩意思。」Joe認真的說道，看來他也不理解大學裡面上莊的人。
 
我以為Joe是會很喜歡社交活動，特別是上莊這一種，因為他好像總是可以享受不斷認識新朋友。
 




「哈哈，係嘅。不過我見上莊嘅人會識好多其他人，同埋好似好social，不過就真係唔啱我，呢啲又係要social嘅野。」
 
我很不喜歡應酬，應酬是一件很累的事，要不斷打開話題設法讓自己不那麼無聊，也要不斷讓自己對別人感興趣。
 
Joe接著說：「呢啲Social換黎嘅咪又係一啲hi bye friend，叫啊john 啊 joe定係啊Jason都係一樣，下一次唔會再見。」
 
「有時都唔明白點解啲人咁enjoy呢種來去如風嘅關係，唔會識人識到灰機，唔會覺得好費神咩？」我托著頭說著，我常常無法理解這些追求關係的人。
 
「我諗好多人都唔想比人話毒、摺先要不斷交際，不斷去認識新嘅人，不斷要展示自己嘅忙碌。只有忙著應酬，先可以避免比人標籤。唔係個個本身都咁鍾意social，有時只係為左迎合所謂大眾嘅標準，為左唔好離群。」Joe有點感慨。
 




我反問：「其實到咁樣social完，都最後都係得自己一個。為左唔好被標籤，辛苦自己，值得咩？」
  
「唔知啊，值得唔值得好難講，真係要問翻果啲人。」Joe慨歎。
 
或許，人們都是害怕成為離群的一個。於是，委屈自己假裝合群，人群從來都是像羊群，漫無目的的跟著走。
 
這個時候，我們點的食物到了。我點了炸雞烏冬，Joe點了炸豬排飯。
 
Joe一話不說夾了一小塊切好的豬排給我，放到小碟子上，然後把一塊雞夾走。
 
「你覺唔覺得咁樣交換，好似食到兩樣野會開心啲？」Joe忽然看著我一笑，笑得像五歲小孩，像發現了旁人都沒有發現的東西。
 
「哦。」我只好微微一笑回應，報以一個跟五歲小孩溝通的微笑。
 
「食野先啦。」他指了一下眼前的食物。




 
旁邊的食客剛巧也是兩個人，一對情侶，他們點了滿桌的食物，刺身船、壽司、飯，幾乎是四個人的分量，最後清光了。我看著他們兩牽著手離開的背影，不禁吃驚。
 
「佢地兩個食左咁多野，好誇張。」Joe輕聲的說著，指著旁邊的檯面。
 
「係啵，大食嘅人同一個大食嘅人一齊食野都幾開心。」我說。
 
我想，兩個大食的人可以一齊挑戰叫一桌食物，然後一齊把它清光，這是一件很爽的事。
 
「但係唔夠食會爭野食。計我話一個細食一個大食先好，大食果個可以食埋佢果份。」Joe活潑的說。
 
「咁細食果個咪好慘？」
 
「哈哈，睇對面果個食到好多野應該都幾開心嘅。」
 




坐在店裡的人大多成雙成對，有時候覺得香港這個地方太多成雙成對的人。
 
寂寞的年青人總要找個伴，找個寂寞的出口，人從來都喜歡找個伴。而我，每當看見街上一男一女的總愛猜測他們的關係。
 
是朋友？是情侶？是夫妻？或只是那些一次性的服務？
 
偷聽著他們講話，觀察他們的動作以及按手機的頻率，卻又可以推翻上一秒的猜測。
 
猜測，只是用來打發時間而已。看著那對人的身影遠去，最後還是不會有正確答案。我就還是自己一個，繼續找下一個猜測的對象。然而，猜測遊戲並沒有讓我感覺沒那麼寂寞。
 
此時此刻，我跟一個男生在吃飯。可能也有像我一樣的無聊人，猜測我們的關係，我想我們的關係很明顯吧。