冬末春初，愛做義工的我遇見渾身煙味的你: 2.6 約會

「大家有冇興趣一齊去睇戲啊？」 我在群組裡問。
 
「今個星期都要返工啊。」Cindy 回覆。
 
「我要陪細佬溫書啊，佢就黎考試。」 Kenneth回覆。
 
最後只有我跟Joe有空。
 
於是我私底下pm Joe：「得我地兩個咋，仲睇唔睇啊？」
 




「你好想睇？」
 
「係，如果你地唔睇我就自己去喇。」
 
「咁我同你去，我都想睇。」
 
「星期幾得閒啊你？我黎緊一三四都ok」
 
「咁不如星期四啦。」
 

「好。」
 
這是我第一次單獨約男生外出。
 
人總愛說，少女總是渴望愛情。中學的時候，愛上鄰座、男班長、學長、籃球隊隊員，都是每天上映的事情。可是從來沒有一個人讓我愛上。
 
「覺唔覺得籃球隊果個Jason好charm？」
 
「佢射波真係好型，仲好高，哇，佢一笑果下，真係不得了，好似觸電咁，我都唔敢直接望佢。」女生總是一臉腼腆的說著。
 




「我覺得隊長Ricky正好多囉，論球技都勝人一籌。」
 
我不會打籃球，不知誰的球技較優勝。人們說，愛上一個人會心跳加速、不知所措；而我卻沒有過這樣的感覺。
 
「你聽日幾點放學啊？」星期三的晚上收到這個訊息。
 
「四半落堂，五半旺角。」
 
「如果睇六點鐘好唔好啊？八點前完，然後去食少少野？」
 
「好啊。」
 
鬧鐘響起，我眼睛還是無法睜開，雙臂亂掃四周在床上尋電話，最後萬般不願的用手指劃過屏幕把鬧鐘暫停。