冬末春初，愛做義工的我遇見渾身煙味的你: 2.5 單身

又一次做完義工後的午餐，再次回到那一家茶餐廳。我們閒聊了一番，Cindy把大家帶入正題。

「我地都識左三個月喇，但係好似未報過status啵。」Cindy首先打開話題，為了尋找答案。

「咁chur？」Kenneth有點不好意思。

「了解大家多啲啊嘛，最多唔洗報數字喇。」

「好啦。」Kenneth說。





「我有男朋友，起外國，Long d左兩年幾。」Cindy先說。

「我好明顯單身啦。」Kenneth一臉淡定。

「我都係。」

「我都A緊。」Joe淡淡的說。

 「你真係A？」Cindy一臉質疑的問問。





「係啊，好出奇咩？」Joe反問。

「唔係啊，冇野。」

這一天吃完飯之後，送了Kenneth去地鐵站，又是剩下我跟Joe。我刷著手機看著別人的ig為免想不到聊天話題的尷尬。

「呢套戲好似好好睇。」我在看著手機，在ig上看到有人推薦這一套電影。

「我之前都見到有人介紹，好似既好睇，講打仗啵。你都啱睇咩？」





「啱啊，不如我地搵日去睇啦？」
 
「好啊。開個group搵埋Kenneth同Cindy？」

「好啊，睇下幾時去睇啦。」

回家以後我開了一個WhatsApp group，想著我們四人終於有一次義工以外的活動。