【校園】【純愛】那天來了一位交換生: 第六十八章

突然之間 

Cherry攬住咗我 

Cherry：佢無講大話 佢係我男朋友 

講完之後仲要錫咗我一啖 

你話我仲有咩可能唔愛死呢個女朋友 





嗰兩個仆街仔見到都知道自己已經收晒皮 

跟住就調頭走咗 

終於鬆咗一口氣 

唔係講笑 

其實我好驚 





我真係腳都震埋 

希望佢見唔到啦 

佢應該見唔到嘅 

因為佢已經啤住我 

Cherry：點解你會去咁耐架！ 





我：對唔住呀 

Cherry：你走咗咁耐搞到我比人聊啊 

我：咁我都幫你趕走咗佢哋啦 唔好嬲啦傻豬 

Cherry：我唔理呀 我而家好嬲 你要諗方法去氹番我 

要我氹姐 簡單啦 

我：其實我頭先係去咗準備嘢比你 

Cherry：準備乜嘢呀 

我拖住佢隻手 





我：你跟我嚟咪知 

我去返頭先我放低蛋糕個度 

Cherry：咩黎架 

我將個蛋糕攞出嚟 

佢係一個全白色嘅天使蛋糕 

上面有少少焦糖脆脆 

然之後有一個牌 





寫住：傻妹 生日大快樂！ 

Cherry望住個蛋糕 ：好靚呀 係邊度買架 

我：乜嘢買呀 你男朋友我自己整㗎 

Cherry呆咗咁望住我 

Cherry：真係架？ 

我：如果唔係要整蛋糕 我就唔會呢排成日都唔見人啦 整蛋糕好難學架 

Cherry即刻衝咗過嚟攬住我 

好細聲咁講：多謝你呀 





呢個傻妹又喊了 

我：我女朋友生日喎 梗係要幫佢做啲嘢架啦 好小事姐 

Cherry攬得我更加實 

我：好啦 唔好喊啦 陣間嗰兩個仆街仔返黎以為我蝦你呀 

我雙手捧住佢塊面跟住用手指公幫佢抹眼淚 

然之後再喺佢額頭錫咗一啖 

我：快啲試下個蛋糕啦 





我幫佢切咗一楷 

Cherry一擺落口已經係咁話好食  

都唔知係咪真 

可能佢只係氹我 

分分鐘難食到仆街 

於是我都試咗少少 

嘩 

我覺得我已經可以直接開舖賣蛋糕 

個海綿蛋糕非常之軟熟 

完全唔覺得實 

然後個cream一啲都唔漏 

個甜度啱啱好 

配合埋焦糖脆脆嘅小小苦味 

成件事非常之成功 

睇嚟我真係一個天才 

食完個蛋糕之後我哋兩個都好滿足 

跟住就慢慢拖住手行番去佢屋企

我：sorry呀 因為我太忙學整蛋糕 所以冇時間買禮物俾你 

Cherry：唔緊要呀 你自己整蛋糕已經係一個好大嘅禮物 

我：咁最緊要你開心啦 

Cherry：當然開心啦 從來都冇人試過整蛋糕比我食架 

行咗無耐之後就已經到咗佢屋企樓下

 Cherry又一次好實咁攬住我 

Cherry：今日真係好多謝你呀 呢個係我人生過得最開心嘅生日呀 

我：放心啦 之後好多好多個生日我都會令到你好開心 

我講完呢句之後佢震咗一下 

佢又喊 

我：好啦唔好再喊啦 邊有人生日喊咁多架 

Cherry望落去好似有啲嘢想講

但係佢都係冇講到出口 

Cherry：知道啦 你返屋企要小心啲呀 返到去同我講啦 

我：知道啦 

我見住佢入咗去之後就轉身走








我望住阿豪慢慢離開嘅背影

阿豪：放心啦 之後好多好多個生日我都會令到你好開心我都希望之後嘅每一個成日都有你係度

但係唔得

呢個好可能係你陪我嘅第一個亦係最後一個生日

對唔住