【校園】【純愛】那天來了一位交換生: 第六十七章

我哋唱多一陣 

文哥終於到咗
 
咁遲到嘅人要罰咩 

來來去去果幾樣架啦 

咁Cherry今日生日  





咁就梗係佢話事啦 

文哥好彩 今日Cherry心情好 

所以就淨係罰咗佢請飲野就算 

真係Cherry先會對其他人咁好 

俾著我就起碼都要直接磅水加happy corner

呢啲走唔甩架啦 

好耐都無試過咁開心 

成班人係度唱歌 

咁唱K都唔會下下都咁認真唱嘅 

咁唱K鳩唱呢啲就正常都會架啦 





跟住阿朗無啦啦開咗首千本櫻 

但係重點佢唔識日文 

然之後多就係到亂咁噏個啲讀音 

但係最後都係無人聽得明佢唱乜 

最大鑊嘅係 

果班姊妹團見到阿朗係到咁做 

跟住就係咁開啲泡菜歌 

又係到唱讀音 





去到最後變咗比班女係度播BTS

然後就喺度尖叫 

是但啦 

佢哋開心就得 

反正其實都預咗無咩可能唱足8粒鐘 

咁樣當開下party都唔錯吖 

話咁快就過咗呢8個鐘 





開心嘅時間過得快呢句說話真係冇錯 

其實中學時期可以咁樣玩嘅時間真係越來越少 

下年我哋就要DSE 

想玩都玩唔到 

鬼叫香港係一個咁睇重學業成績嘅地方 

如果你喺香港攞唔倒一個所謂嘅好成績嘅話 

基本上無論你嘅人品有幾好 你都只係比社會否定 

今日玩完之後都唔知幾時可以再玩 





所以高中生活嘅回憶對我嚟講係最重要 

亦係我最珍而重之嘅一段時期 

當我哋解散咗之後 

我就去咗同Cherry一齊食飯

咁食飯嘅情況就唔講咁多 

反正都係喺度放閃咁 

所以我都費事寫咁多 





陣間又俾你哋話我恰單身狗 

食完飯之後 

我同Cherry一齊返咗去港島 

搭緊車果陣時佢全程都訓咗喺我膊頭上面 

玩咗咁耐 

攰都好正常 

其實我都好攰 

但係點都要捱多一陣 

等今日嘅節目全部完晒先可以放鬆 

落咗車之後 

我問即刻帶佢返屋企 

Cherry：我哋而家去緊邊呀 我

望住佢奸笑咗一下 

然之後再微微一笑 

我：秘密 

跟住就繼續拖住佢隻手行 

我帶咗佢去佢屋企附近嘅一個公園 

我：你係度等我一陣 我10分鐘之內一定返嚟 

Cherry：下  

我：真係好快  

Cherry：你講咗你要去邊先 

我：我...我...我急屎啊 

Cherry：咁好啦 快啲呀 

跟住我就一支箭沖走咗 

因為我驚幫我keep住蛋糕嘅果間鋪頭會閂門 

好彩最後都講得切 

我攞住個蛋糕返咗個公園 

去到公園之後竟然唔見咗Cherry 

然之後我見到Cherry比幾條仔圍住咗 

屌你老味 

我條女你都搞 

你班仆街應該真係想死 

我梗係咩都唔理衝過去 一嘢將Cherry拉埋去我身邊 

我：你哋搵佢有咩事 

仆街仔1：唔該你唔好掂呢位小姐 

仆街仔2：你搵食去第二度啦 我哋同你個靚女傾緊計架

 我：我點解唔可以拉住佢

佢係我女朋友 

我連個朋字都未講完 

呢兩條粉腸已經笑到反艇咁滯 

仆街仔2：你照下鏡先啦 咁嘅樣都學人溝女 

仆街仔1：毒撚最忌有自信呀戇鳩仔