【校園】【純愛】那天來了一位交換生: 第五十八章

之後

我哋終於去到中環海傍

Cherry：咁我哋而家去邊呀

我：你跟住我行埋知囉

Cherry：哎吔 講少少啦





我：唔得喎

Cherry：車 好叻咩

我見佢好似真係有啲嬲嬲地

所以我即刻一隻手攬住佢咁行

我：你信我啦 我唔會食咗你喎





Cherry個樣好似好返少少

果然我真係一個好了解女人心嘅人

Cherry：量你都唔敢食我啦

我：哼 好難講呀

跟住我就搣咗佢個鼻一下





Cherry：嘩 變態佬呀

我：但係你鐘意喎

跟手我就即刻錫咗佢一啖

Cherry塊面即刻紅晒

都話咗我好了解女人心架啦

講你哋又唔信

真係呢

唔係講笑





氹女朋友我真係有一手

嗱

唔計陸運會個次啊下

之後我帶咗佢去中環海旁個個AIA嘅摩天輪

Cherry：你特登帶我嚟搭摩天輪架

我：唔通帶你嚟睇摩天輪咩

Cherry：但係做咩咁突然嘅





我：你以前話過你未試過丫嘛 咁我咪帶你試下囉

其實佢之前同我講過

但係我冇同大家講

Cherry：原來你記得架

跟住我哋就去咗排隊

但係因為聖誕節嘅關係

所以個條龍都真係有啲長

咁大家都知架啦





12月喎

有幾凍大家明啦

仲要係喺海邊添

其實真係好辛苦

跟住我就見到Cherry成個人凍到震晒

然之後我就將今日攞出嚟果件褸

搭喺佢身上





佢望一望我

然之後就攬住我

我：做咩呀

Cherry：咁唔可以淨係得我一個咁舒服架嘛 所以我咪分啲溫暖比你囉

我：點解我可以有一個咁溫柔可愛嘅女朋友架

Cherry：又係咁口花花




我係認真架