【校園】【純愛】那天來了一位交換生: 第五十七章

上咗巴士之後


Cherry：阿豪 你有冇帶耳機啊


我：有啊


Cherry：不如我哋一人一邊聽歌呀






我：靚女叫到無理由拒絕嘅


於是我就攞咗我個耳機出嚟


佢帶住右邊嘅耳機






而我就帶住左邊嗰個


然之後 我將耳機插入手機嘅耳機孔


跟住我都無特別去揀歌






我淨係撳咗隨機播放


我哋聽到嘅第一首歌就係


側田嘅美麗之最


其實我唔算係側田嘅fans


只係我幾鍾意呢首歌嘅旋律






所以就加咗呢一首歌入去我嘅歌單


但係呢一首歌真係講出我嘅心聲


我：又會咁啱係呢首嘅


Cherry：做咩呀


我：我而家坐係我人生中嘅美麗之最隔離 再聽著美麗之最 果種感覺真係好似發緊夢咁






Cherry：白痴仔


Cherry好甜咁笑咗一笑


然之后佢就挨咗係我膊頭上面


我真係好想時間停留喺呢個時刻


但係可能個天唔抵得我哋咁sweet 






所以好快我哋就到站


咁食韓烤嘅過程都無咩特別


都係咁啦


啲詳情就唔講喇


陣間你哋一個二個又話我恰單身狗啦






咁食完飯之後


我就帶左佢去中環


Cherry：做咩無啦啦去中環嘅


我：冇呀 中環碼頭個view靚呀嘛


Cherry：咁尖沙咀海旁唔靚咩


我：都靚


Cherry：咁點解要去咁遠呀


我：唔話你知


Cherry：哎吔 講啦


佢仲要扁哂嘴咁


我真係好想搣佢個咀


佢個樣真係


真係


唉


我已經唔識點去形容


淨係可愛同靚已經唔足以去形容佢


但係好彩我都忍住咗


我：你去到咪知囉


Cherry：車 懶神秘咁


​