【校園】【純愛】那天來了一位交換生: 第二十四章

Miss Fung：冠軍係   5B班 陳子豪!!     

成個禮堂瞬間都係掌聲

我係呢個時候好似仲未訓醒咁

文哥同強哥見我唔郁

兩條友間硬拖咗我上台
 




我上到台先知

我真係贏咗

我當堂忍唔住流咗滴馬尿

失禮晒

我即刻行咗過去校長到攞獎





攞咗獎 影埋相

MC就過咗嚟

因為我哋singcon嘅所有冠軍都會現場接受一下訪問

其實真係有D尷

但係我之所以咁想攞冠軍 就係為咗呢一刻





MC：陳同學 首先恭喜晒你先 不過你可唔可以講下點解你會揀呢一首歌

我：多謝 我之所以揀呢首歌嘅原因有兩個 第一係因為我好鍾意聽周國賢 而呢一首歌係其中一首我最鍾意嘅歌 而另外一個原因就係因為一個人

全場都喺度大嗌：表白!!!!!!  表白!!!!!!!!  表白!!!!!!!

同一時間

我望一望果個對我嚟講好重要嘅人

佢個樣好似有少少愕然 但係都對住我好溫柔咁微笑

就同平時一樣

一樣咁靚





我：有一個人曾經同我講過 佢唔係幾鐘意周國賢嘅歌 係果時 我同我自己講 終有一日 我會令佢鍾意周國賢 

MC：咁我相信你口中個個人聽到你頭先嘅表現 都應該會好滿意啦

我：呢層我就唔知啦

我嘅目光無離開過佢

我：我都好想問下佢 我能唔能夠達成到個陣時對自己嘅承諾

我隱約咁望到佢微微咁點頭

但係頭先掛係面上嘅笑容開始消失





我：如果我做到嘅話 我想應承自己多一樣嘢  

我深呼吸咗一下

我：我之後聽周國賢嘅時候 佢都會同我一齊聽 我唱歌嘅時候 佢會陪我一齊唱 就好似頭先嘅歌詞一樣 

MC：邊句歌詞呢

我笑一笑

我：你估下

講完之後 就落咗台
全場都喺度歡呼





點算 

我覺得呢一刻 我真係好型

其實你可能會問 點解我可以咁大膽 係老師校長面前表白

咁係因為我學校係比較開放   

對於中學生談戀愛係冇乜所謂

你見之前Miss Chou咁玩我就知啦

我行到去我個位嘅時候

我發現Cherry唔係到





阿朗突然拍一拍我膊頭  

阿朗：佢返咗班房呀

跟住我就返咗班房

入到去

我淨係見到一個熟悉嘅身影訓咗係張檯到抽搐

喊緊？

我慢慢行咗過去

敲一敲張檯

佢聽到有人敲檯就抬高頭

佢望到我 就即刻抹走眼淚

Cherry：阿豪 恭喜晒你呀 終於攞到冠軍啦

我：多謝晒喎

我嘆咗一下氣

Cherry：做咩事呀 嘆晒氣咁 唔係攞咗冠軍啦咩

我：攞冠軍有咩用

Cherry：發生左咩事呀

我：我頭先頒獎嘅時候 公開對佢表白

Cherry呆咗一陣 眼神流露咗一絲悲傷

Cherry：咁佢實好開心啦

Cherry好似係到強顏歡笑

我：但係佢無理我呀 佢聽完就走咗去 

Cherry眼神開始變得古怪

好似係想

逃避？

我唔知

我：我真係唔知佢點諗 平時又對我咁好 又陪我吹水 又陪我食嘢 又陪我玩 我受傷嘅時候 佢又會好擔心我 講真吖我都唔知我到底係佢邊個

Cherry：唔好再講

不過佢好細聲 我聽唔到

我：其實我真係好鍾意佢 唔知由幾時開始我就好留意佢 佢嘅一舉一動我都留意住

Cherry：我求下你唔好再講

我今次終於聽到 但係我無理

我：有時我見佢唔開心 我會專登去講笑話氹下佢 佢受傷 我會想照顧佢 見到佢受苦 我都會好唔開心 

Cherry：真係唔好再講喇

佢開始流眼淚

我：有一日佢同我講佢有鐘意嘅人 我真係好心灰 原來自己一直都只係佢朋友 原來係我自作多情 但係我都好想同佢表明一次心意 就算最後係失敗都無所謂 我真係  好鍾意佢......

Cherry：夠喇！！！











貼著寸步也不會共你分開