【校園】【純愛】那天來了一位交換生: 第二十三章

我去到後台準備   

MC：頭先嘅表演好唔好睇呀

眾人：好睇!!!!!
   
MC：既然大家都咁開心 咁我地就唔好比佢停 好唔好呀

眾人：好!!!!!





MC：跟住落黎呢嗰就犀利喇 佢有xx暗黑周仔呢嗰稱號 但係聽講佢喺初賽既表現非常出眾 咁我地就睇下佢可唔可以打甩暗黑呢嗰字喇

阿MC大佬 你咁講我好大壓力架喎

之後我就行咗上台

我望一望台下

嘩





痴撚線

我真係第一次比幾百人同一時間望住我

個種壓力真係唔講得笑

我開始有少少腳軟

但係為左我一生嘅幸福





死就死啦

我深呼吸做一下

同控制台果邊示意可以開始

幾秒之後就聽到音樂開始

全場都靜晒咁望住我

我想搵D嘢望下等自己冇咁緊張

跟住我好自然咁將目光放左喺一個女仔身上

望住佢





我成個人好自然咁放鬆晒

「這怪誕氣候 把冰川變了沙漠
熱燙夏季冰雹竟降下來 怎麼閃躲
會否真有一天 全人類於一剎那結束
天國終於降臨 我想起只有你」

你既存在比任何野都重要

「遍地也裂開 地球像洪海
同遊這末世與你觀察活斷層怎剖開
愛別要放開 別理會天空塌下來
貼著寸步也不會共你分開」





就算世界末日我都會係你身邊陪住你

一直都會

「建設已化成塵埃散滿天地
目睹全數經濟宗教文明 毀於一旦
地殼相繼分開全球活火山快要爆開
地平線盡頭還有否方舟接載

遍地也裂開 地球像洪海
同遊這末世看過火山噴出極燙漿火
我們被旋渦席捲入幽暗深海
愛讓我們再沒法把手鬆開」

發生咩事都好 我都唔會放開你





「兩極赤道 還未有幸帶著你統統也踏過
世界卻頓成天涯最終海角
我是世上最後的怪獸 你是可愛木偶
在瓦礫星塵下顯得罕有
不緊要 奇蹟有沒有
我只要共你一起」

我既願望只有一個

「遍地也裂開 地球像洪海
我共你於這末世見證過天塌來極精彩
剎那地暗天昏 津波把我共你淹蓋
抱著抱著抱緊你 沒溺海底裡」





永遠同你一齊





音樂完左之後

全場歡呼

Cherry都笑住咁俾左隻手指公我

終於都唱完喇

我準備咗咁耐

終於搞掂喇

雖然一日未公佈結果 一日都未知我成唔成功

但係我要做既都做晒

之後就真係聽天由命喇

但係點都好 我對自己都幾滿意

起碼冇三分鐘熱度先啦

我落返台 第一眼就見到班兄弟

文哥：毛哥你就威啦 頭先真係周國賢上身咁款 今次實掂啦

我：希望啦 我都唔知

金仔：比D信心自己

阿朗係呢嗰時候過左黎

阿朗：毛哥 頭先做得唔錯吖 比之前練習好好多

我：過獎喇

阿朗：唔好諗咁多喇 頭先Cherry仲係咁同我講 話你好叻呀 你快D去搵佢啦

我就行做過去搵Cherry

Cherry一見到我就捉住我隻手係咁喺度fing

Cherry：你頭先真係唱得好好聽呀

我：還好啦 但係我覺得好多人都唱得好好

Cherry：唔係呀 你係我眼中係最好㗎 知唔知呀

我望住佢認真嗰個眼神

好靚

跟住我拗一拗頭笑住咁多謝佢

有佢呢句

攞唔到冠軍都無所謂

之後既表演我都無認真睇

跟住終於到左頒獎環節喇

Miss Fung：今次呢嗰比賽大家既表現都好好 仲有D令到我幾驚喜

唔知點解我覺得佢講呢句既時候望一望我

大濟

緊張到有幻覺添

之後就係頒獎

頭幾批都係樂器 小組等等

我唔多講

Miss Fung：最後就係個人組 請校長上台頒獎

校長你可唔可以行快少少

Miss Fung：首先係季軍 4C班 鄭樂恆

有個高瘦既男仔走左出嚟 佢個樣好開心咁

Miss Fung：亞軍 6D班 曾子希

全場嘩然 因為嗰個男仔係因為輸左真心話大冒險先參加

我望到佢個樣好似仲未知發生咩事咁

Miss Fung：最後喇

唔該要係我呀

Miss Fung：冠軍......