那一天，有女仔嚟咗男校讀書: 第二季:第一章:難關(第二節)

DSE，就如一場夢，好快就已經過去，可能有人覺得係一場惡夢，亦有人覺得係一場完滿嘅好夢。喺呢一場夢入面，我經歷咗好多嘢，雖然係一場漫長嘅戰鬥，但係我同小倩一直互相扶持，所以，我覺得呢個夢係一場好夢。
從夢中醒來，要面對嘅，就係殘酷嘅現實，要面對殘酷嘅放榜，亦要面對成人嘅世界。
今日係放榜嘅日子，我成晚都瞓唔到，輾轉難眠，大約凌晨三點嘅時候，電話通知響起。
WhatsApp:小倩:
銘仔，我瞓唔著...
我都係...
咁不如落去公園坐下?
好吖，一陣見
去到公園，仍見到有微弱嘅燈光...
我拖住小倩，在公園中漫步，此時公園空無一人，只有我同小倩。我哋喺一張長櫈坐低，我哋都冇出聲，呢一刻靜到心跳聲都可以聽到。小倩依偎喺我肩上，我哋一直不發一語，但我想，陪伴便是最好嘅安慰...




小倩好快喺我肩上瞓著，我望住小倩，過咗幾年，我哋仍然係一對熱戀嘅情侶，小倩仍然美若天仙。
隨著太陽升起，我嗌醒小倩，我哋各自返屋企梳洗，然後一齊去食個早餐，再返學校睇成績，食早餐嘅時候，小倩好似心不在焉咁，又冇乜胃口，又好似有難言之隱，究竟發生咩事?

(待續...)