那一天，有女仔嚟咗男校讀書: 第二季:第一章:難關(第一節)

時光飛逝，轉眼間，六年嘅中學生活即將完結，而我將要面對人生中第一個難關，DSE，呢一場仗絕對唔易打，但係我相信我可以打贏並成功上到大學，因為，我有小倩一直鼓勵我。

喺我溫書溫到好眼瞓電嘅時候，電話鈴聲突然響起。
「喂?小倩，做咩咁夜打嚟?」
「咪睇下你溫成點，俾啲鼓勵你囉，你係咪唔想要愛的鼓勵吖，我宜家即刻收線，唔理你!」
我可以想像到小倩宜家嘟起個嘴嘅可愛樣
「咁係吖，唔係吖，我好需要愛啲鼓勵㗎!」
「咁聽日朝早十點喺老地方等，我同你去行下街，放鬆下，好冇?」
「好吖!聽日見。」
我收線之後，成個人精神哂，繼續為DSE奮鬥。




一擘大眼，琴晚溫得太攰，搞到喺張枱瞓著咗。望一望手錶，原來已經九點半，要快啲刷牙洗個面，落去等小倩。
我落到去，時間已經係九點五十分，相信小倩過多幾分鐘就會到。
果然，小倩好快落到嚟，今日小倩着咗件露肩嘅衫加一條緊身牛仔褲，旁人可能覺得好普通，但係對我嚟講已經好性感。
「咁我哋今日去邊吖?」我問小倩
「你一陣咪知囉!」
「講啦!」
「我係唔講，淆底吖？」
「驚都未驚過，行啦!」我扮咗一個鬼臉
小倩拖住我隻手跑去巴士站，引起旁人嘅目光。
小倩最後帶咗我去尖沙咀一間啱啱新開嘅商場。




「不如我哋去食個早餐先?」
「好吖。」
由於我哋揀咗好耐都揀唔到食乜好，唯有去大快活食。
我哋嗌咗個脆炸魚柳加通粉一齊食，我將魚柳切成小塊。
「擘大口吖，我餵你食」我同小倩講
我將魚柳放入小倩小巧嘅口
「點解個魚柳特別脆嘅?」
「因為我餵你囉!」
「又講埋呢啲嘢!」
「咁呢個係事實嚟嘛！」




「得啦，知你勁喇!」
我平時哋就係咁樣打情罵俏，就已經好開心，好滿足。

(待續...)