那一天，有女仔嚟咗男校讀書: 第十六章:暑期旅行(第四節)

今日係東京之旅第二日，一起身就可以見到心愛之人，呢種感覺真係好幸福。因為今日行程較趕，所以我哋簡單梳洗過後，去咗民宿附近嘅便利店買咗飯糰同埋一塊薯餅做早餐。今日第一個景點係「花園神社」，呢一座神社江戶時代已經存在，歷史悠久。今次係我第一次嚟到日本嘅神社，我感到有一股平靜、優雅嘅氣息。我哋首先前往參拜，我拿出100円，準備放落去...
「喂!你傻咗?」小倩阻止我
「唔係咁咩?」
「梗係唔係啦，跟住我做啦!同埋參拜係用五円㗎!」
小倩先稍為鞠躬行禮，我便依樣葫蘆，跟住佢做。
之後拿出五円硬幣，輕輕地放入箱入面，再搖一下鈴，深深
鞠躬兩次，拍兩下手，雙手合十，最後深深一鞠躬，便完成參拜。參拜完後，我哋前往購買御守，我見有學業御守，便提議一人買一個。
「買唔買愛情御守?」我問小倩
「買!」
愛情御守有兩款顏色，一藍一紅，我當然買咗藍色，剛好兩個御守嘅繩可以拼成一個心形。




我哋離開神社之後，先去附近食咗一個午餐，之後便出發前往國立新美術館，小倩平時好鍾意畫畫，所以呢個行程係特別為佢而設嘅。

(待續...)