那一天，有女仔嚟咗男校讀書: 第十六章:暑期旅行(第三節)

「喂!你都唔知去邊，頭先做咩跑得咁快?」我問小倩
「玩你囉!」佢淘氣地笑咗一笑
「衰妹!」我輕輕力打咗佢一下
「喂！打女朋友?未死過?」佢不甘示弱，還擊咗一下
「咁你都未同我講去邊，快啲講!」佢追問我
「我哋宜家會去新宿御苑。」
「新宿御苑?睇咩㗎?」
「睇花囉，我知你鍾意。」
「估唔到你都幾浪漫喎!」小倩翹住我隻手臂
「梗係啦，仲使講?」




我哋行咗十幾分鐘，已經望見前面嘅幾棵大樹。
入到去之後，一大片繡球花盡收眼底，小倩立即叫我幫佢影相，我嚟東京之前上網自學咗一啲影相技巧，就俘係為咗滿足小倩嘅「影相欲」，小倩除咗叫我幫佢影相之外，更加不忘同我一齊自拍。雖然我本身對賞花冇乜興趣，但係愛屋及烏，今日啲花好似特別靚同顔色鮮豔。我哋行行下見到有一間咖啡廳，但係因為宜家已經係黃昏時間，加上我今晚book咗餐廳食飯，所以我哋冇入去食嘢。
行完成個公園已經差唔多六點半，我哋準備去食飯。
「今晚去邊度食?」
「去食燒肉!」
「好嘢!」
我哋行咗大約十五分鐘去一間燒肉店《燒肉亭六歌仙》
我哋兩個都唔算大食，所以淨係叫咗兩碟肉。
食飽之後行咗陣街就返咗民宿。





(待續...)