那一天，有女仔嚟咗男校讀書: 第十二章:瞹眛(第一節)

「咁好啦。」我回應小倩
我從後攬住佢，我耐心咁教佢數。我哋就好似一對熱戀中嘅情侶一樣，互相扶持，互相鼓勵。
直到差唔多傍晚六點，小倩已經溫咗大部份。
「咁今日溫到呢度先啦!」我提議
「好啦...」小倩好似有啲唔捨得
我慢慢鬆手，小倩玉體嘅香氣仍然殘留喺我身上。
「銘仔，你唔好同學校其他同學講我係你女朋友喎!」
我臨走前小倩叮囑我
「Ok!」
我再輕輕吻在佢臉上。




「聽日得唔得閒?」我返到屋企之後WhatsApp小倩
「應該得閒」
「咁不如我哋去行山?」
「好喎，我都幾鍾意行山」
「咁聽日上晝十點老地方等」
「好，聽日見。」
因為我哋都係行山新手，所以我上網搵咗啲啱新手行嘅路線。
最後我哋揀咗由馬鞍山昂平高源行去鹿巢山，路線全長1.8公里，算係短嘅路線。
小倩今日着咗件普通長袖衫同長褲，我都係差唔多。
我哋搭巴士去到馬鞍山，再行上去昂平營地。




我哋買咗啲水買乾糧，以備不時之需。
我哋喺大約十一點半出發，我哋一路行，一路傾計。
小倩仲不時揻下我啲手臂肉，以旁人眼光嚟睇，我哋無疑係一對熱戀中嘅情侶。

(待續...)