那一天，有女仔嚟咗男校讀書: 第十一章:補習(第二節)

農曆新年來臨，初一、二去親戚屋企拜年，根本冇時間打機。不過呢排小倩不斷主動WhatsApp我，語氣都親密咗，仲不時用「銘銘」同「男朋友」稱呼我，睇嚟佢真係當我係佢男朋友。咁樣我當然我梗係開心啦!我係女神嘅男朋友喎!
今日係初三，赤口唔可以去拜年，所以好得閒。
「喂?小倩」佢無端端打俾我
「銘銘，可唔可以嚟我屋企幫我補數學呀?」
「農曆新年喎!補數?」
「求下你啦，我屋企冇人喎!」唔通呢個係暗示?
「咁好啦，宜家即刻嚟!一陣見!」
「好!拜拜!」
我攞起背囊就出咗門口，好快就到咗小倩屋企樓下。
「喂?小倩，我到咗你屋企樓下喇!」




「好，我宜家落嚟。」
話時話，今次係我第一次上到佢屋企，唔知係點?
「喂！銘仔，入嚟啦」小倩喺大堂門口叫我
「嚟啦!」
原來小倩屋企都幾大，起碼有1000呎。
「咁我哋開始啦!」
「好!」
「咁我哋由畢氏定理開始溫啦!」
「我好凍呀，可唔可以攬住我溫?」
小倩竟然提出咁樣嘅建議?!





(冇甜)
(待續...