那一天，有女仔嚟咗男校讀書: 第一章:相遇(第二節)

我出咗門口，望一望隻錶，而家7點56分。根據我精密計算，由屋企跑返學校大約需要3分鐘，計埋等紅綠燈嘅時間(如果我會等嘅話)，都要4分鐘。學校大約8點05分打鐘，但係訓導主任好嚴，8點以後入校門都死，睇嚟今次要跑快啲啦!
最後都俾我喺最後一刻入到校門。一入校門，我即刻聽到校長開廣播叫全校同學去操場，仲話有咩特別宣佈，我心諗:妖，咪又係嗰啲低能嘢，有乜好聽呀?
我抓住啱啱喺我面前經過嘅死黨---「中子」，佢係我由小學識到宜家嘅朋友，我同佢可以話無所不談。我問「中子」:「喂！你知唔知今日校長想講乜春?」佢答:「唔清楚喎，不過聽啲師兄講，好似係大單嘢。」「ok，咁去聽啦。」我不情不願咁行過去操場，我同班同學全部喺度討論緊究竟乜事，我照常咁排喺「中子」前面。第咗一陣，校長攞咗支mic，開始講:「各位同學，我知道各位有好多疑問，不過請等我講埋先。今日我咁突然叫各位同學，係因為xx女書院有幾位同學想過嚟我哋學校做交換生...」之後我就聽唔到佢講乜喇，淨係聽到啲師兄弟喺到「嘩嘩」聲，我自己都唔敢相信我自己聽到呢一番說話。

(待續...)