無錯，其實呢個係一個追女仔的故事: 17. 獅子山上

獅子山上, 獅子頭石,
兩個人, 在相擁。
子仁和樂兒。
子仁緊緊地抱著樂兒, 樂兒卻在不知所措。
她, 沒想到這一步。
「你, 以後也在我身邊, 可以嗎？」子仁毅切的請求。
「我...我？可以嗎？」樂兒仍未有決定。
「唔好走, 唔好離開我。」子仁再次說。
「我們永遠係朋友。」難道, 是「好人卡」？
「但願不只是朋友。」子仁再三說。




「咁...你想點？定係...」
呢個場合, 需要有風。陽光, 也從雲層中透露出來。
「你, 做我女朋友？」
「你, 終於肯講出黎。」
她, 也渴望這一步。
她, 雙手已在子仁的背後, 擁著。
 
「其實, 你講D嘢真定假架？」樂兒問。
「邊樣？父母？真架。」子仁肯定地答。
「咁你屋企個『女朋友』呢？」




「我阿姨？我自細佢已經係我屋企住。外公外婆係日本住, 唔知點解媽媽, 舅父同阿姨都係香港住。」
「又幾搞笑喎。咁你咪識日文囉。」
「傻啦, 外公識唔等於我識, 我識やめて,気持ち幾句, 日本都未去過, 睇怕過幾年都可以買樓。」
「講明先, 我未拍過拖架, 唔識做女朋友唔好怪我。」
「放心, 我呢D情場浪子, 浪黎浪去都浪唔出樣。」
「況且, 我硬係覺得有人監視緊我地。小心D好。」
樂兒即刻四圍望：「有咩？咁高, 邊個監視我地？」
 
子仁仲有一個問題：「你帶我上黎咁高, 係咪有咩想同我講。拍緊拖, 唔可以有秘密喇。」
「星期五咪約咗你既？其實係我阿爸約我食飯。」




阿爸？唔係死咗既咩？好似無。
「佢想帶我同細佬去英國。」唔係咁玩吓話？
「吓？一拍拖就同我分手？」
「唔係呀, 我就係唔想走, 所以......」
子仁終於明：「哦, 本來你係想我扮你男朋友見世伯。」
真作假時假亦真。
「而家唔使扮啦。」樂兒, 真定假架？
「樂兒, 我唔放手架喇。」
「唔得喎, 落山條路好窄, 只可以單人行。」
 
完