《樓上裝修咗成個暑假》: 十四

「可唔可以好好咁陪住我？」

既然小蔚都這樣說了，我哪有拒絕的餘地，於是，我把心中的疑問吞回肚子裡，暫時不提起她和逸哥的事。

「你...考完DSE就會搬返去住？」

「係呀，當初我嚟上水住，本身就係為咗方便喺呢邊返學、考試。」

「考完試，仲邊有藉口繼續留喺度。」





藉口...？

小蔚依然緊緊擁抱住我，雙手都不願離開我的身體。

「招仔，你有冇咩想同我講。」

「............」

「冇都唔緊要。」





「我只係隨口問問。」說罷，小蔚便鬆開我，輕輕拭去眼淚。

稍為整理一下自己混亂的思緒，忽然想起一個疑惑。

「我想知道...」

「點解你會重考DSE。」

小蔚聽到我這個問題後，似乎有點吃驚，應該沒意料到我會這樣問。





「點解咁問？」

「因為...我之前...唔小心睇到你舊年嗰張成績表。」

曾經，我以為所有重讀生，不是「跛腳」，就是差少少入大學。

你怎會想到一個拿著三十分的學生也會選擇Repeat？

而且，歷史的分數是五星星，如果目標是放在中大歷史系，這個成績簡直是綽綽有餘。

除非...

「.........」

「即係話你一早就知我DSE幾多分...？」小蔚抬起頭直視我。





「可以咁講...」

「咁點解你唔揭穿我...」

「仲喺自修室陪我做咗咁耐戲...」小蔚苦笑起來。

「我都唔知...」

「...................」

「話俾你知點解我要重考都得。」

「不過，想你陪我去一個地方。」





「嗯？邊度。」

「北區運動場。」

「做咩帶我嚟區場？」

口試練習完結後，我與小蔚便一同前去北區運動場，不知道這裡有甚麼特別。

我們坐在其中一個看台上，觀看著跑道上的大叔大嬸。

平日的下午，人流不算多，大概到了晚飯時間，來運動的人數便會增加。

「因為呢度，令我真正感受到同伴之間嘅感情。」小蔚慢慢瞇起眼睛。

「嗯......？」我還是很疑惑。





「咁同你會重考DSE...有咩關聯？」

小蔚轉過身，顯得很感慨地盯緊我。

「我想體驗多一次，人哋口中所講嘅中學時代，青春。」

「體驗多一次？」

「未轉過嚟之前，我喺港島嘅一間女校讀書，都算係名校嚟㗎。」

「但係，我喺嗰度，唔知點解冇咩好深刻嘅回憶同埋經歷。」

深刻的回憶...





「我有時候，睇啲台灣嘅電影劇，劇入面都係一大班男女，瘋瘋癲癲咁一齊做一件事，有笑有淚咁樣。」

「我好羨慕。」

聽到這裡，我開始慢慢明白。

「所以你重讀，並唔係為咗DSE成績，而係想去男女校經歷一次中學生活？」

「嗯，完全正確。」小蔚微笑地點頭。

「原來係咁。」

「以前我嗰間學校，雖然學習風氣好重，又有好多課外活動，仲有水運會，好多嘢玩。」

「但係我好似開心唔到。」

「點解？」

「因為我俾嗰度嘅人排斥。」

「唔知呢，可能佢哋妒忌我掛。」小蔚明顯有點失落。

妒忌......是因為小蔚的外表嗎？

也對的，小蔚長得這麼漂亮，我要是女生也未必願意跟她做朋友，因為很容易就會被小蔚搶風頭。

「但我聽人講..女校唔係玩得好癲㗎咩？」

「噗，有部分啦。」

「而且我成日俾啲師妹表白，實在頂唔順。」小蔚無奈地說。

「都啱，如果有師弟同我講佢鍾意我，我應該會打鑊佢。」

「所以，呢個就係我讀男女校嘅原因，同埋Mandy喺度讀書，諗住轉過嚟，點都有個照應嘛。」

Mandy，聽到這個名字就打冷震。

「哦...我明白。」

「況且，呢半年嚟，我真係感受你哋嘅快樂。」小蔚認真地看著我說。

「一班人嘻嘻哈哈，學校旅行可以盡情咁享受，冇嘢顧慮，陸運會又會盡力咁幫自己班打氣。」

「我諗，呢啲就係我所追求嘅過程。」

「如果俾我揀，我寧願喺男女校讀書。」

「我都係，好慶幸自己讀男女校，而且仲有異性添！」我開玩笑地說。

「係咪講緊我？」小蔚忽然假裝疑問地看著我說。

「.........」我強忍笑意。

「噗，講笑啫。」小蔚揮手道。

我們笑一笑，注視對方。

「喂招仔。」

「你肚餓未？去食飯囉？」

「好呀。」




























「過去的人生，或者改變不了。」

「但將來，可以由自己決定。」









弄清楚為什麼小蔚會重考公開試，我們平淡的溫習日子，又繼續下去。

小蔚還是會假裝不懂寫論文，我還是會向她請教數學。

我睡不醒的時候，小蔚會狂按門鈴吵醒我；小蔚想喝檸檬茶的時候，我會在自動售賣機替她買。

就是這麼簡單的生活。

雖然還未知道小蔚和逸哥的事，但現在還是把精神放在考試上好些。

三月，終於迎來公開試。

我站在風采中學門外，四處張望著。

「呢啲就係我嘅敵人。」

「我唔可以輸的！」

我暫定的目標是中大音樂系，雖然比較有興趣去英國倫敦皇家音樂學院，因為那裡的鋼琴老師十分有名。

但難度指數爆燈，我也是只遞了報名表，沒有抱住太大希望。

小蔚的目標，應該也是中大歷史系吧！如果屆時大家都順利入讀中大，就可以常常見面了。

為了追上小蔚，不能夠鬆懈。

「.....................」

「香港人喜歡夜遊的原因？」小蔚拿著歷史筆記，躺在我家的梳化上。

「係...但我唔太識...」我沮喪地說。

「噗，好事嚟嘅......」小蔚輕聲細語。

「咩話？」

「冇嘢冇嘢，咁你同組啲人識唔識答？」小蔚似笑非笑地說。

「有一個男仔都唔太識...但唔知點解全部女仔都有好多嘢講....」

「唔緊要啦！仲有三份卷拉分，繼續俾心機。」小蔚勉勵我道。

「係！知道！」

如是者，時間一天一天地過去，DSE轉眼即逝，我已完成整個中學生涯最後一個考試。











「呼！終於都完喇！YES！！」我站在學校門外，拋起書包喊道。

「終於可以同小蔚過返啲正常生活喇！好嘢！」






「噢...唔記得咗添。」

差點忘了小蔚一早就說過，DSE之後便會回去港島居住。

「等我仲戇鳩鳩咁諗咁多嘢..」

「哎不過唔緊要嘅～又唔係去邊，而家搭巴士，一個鐘都唔洗就出到港島！」

「到時可以成日搵佢！」




















「邊個晨早流流鑽牆呀仆街！」