【甜/真人真事】我是他的常餐情人: 六十九

第69章

「Hello我係Annie 啊，你仲記唔記得我呢~」佢女朋友同我有見過，興高采烈咁同我哋打招呼。

「男朋友？」佢仲要勁多口咁講，

「你好啊我係Keith，係Issac哥dept嘅人。」Keith呢個時候就發揮佢作用了，佢聽到Annie咁問反而無放開捉住我隻手，而係向自己方向拉近啲我，

「你哋又會嚟呢邊食嘢嘅？」Issac開口問，



「無啊之前想試一間邊爐嘛。」Keith好自然咁答，亦好自然咁化解咗男朋友呢個問題，我忽然對佢有啲另眼相看，原來佢唔係我想象中咁大唔透嘅小朋友。

原來唔係公司見到Issac個感覺有點奇怪，好似除卻公事，我同佢相處嘅回憶都係曖昧不清嘅，然後此時此刻，我係我哋有過回憶嘅地方遇到佢，大家嘅身邊都有其他人，佢一定覺得同佢告白嗰個人好虛偽，因為咁快我身邊就有咗新嘅人，佢唔知道我啱啱諗唔到應該點應所以呆咗，另一方面我又好想問Keith我啱啱嘅表現係咪好失禮，我亦都好想知，到底佢心入面有無一絲一毫嘅唔舒服，就好似之前佢講過嘅咁。

再之後Keith話送我翻屋企，算有小小順路我無拒絕，我可能急需一個人陪我渡過俾佢又搞亂咗個心嘅此刻，好似有啲嘢充填過就會少一秒諗佢嘅時間。

Keith見我好似心不在焉問我係咪好攰，然後好溫柔咁一路順住我頭髮摸我個頭，好似我同Issac當初咁，對唔住，呢一刻我無法抗拒呢種極度相近嘅溫柔，所以讓我短暫地放縱一下。

共你竟可這麼近　同時那麼遠
你走後　我只有這樣懷念你的手


林一峰 - 一支煙的時間