【甜/真人真事】我是他的常餐情人: 特别篇1

佢同佢啲朋友眼中我應該係衰人。
見到Denise成日眼腫腫咁翻公司。個個都以為佢同男朋友分手搞到咁，我知道我都影響到佢唔少。

見住佢周不時答應Keith同Anthony嘅約會，好似想做俾我睇咁，其實我唔鐘意佢咁樣作賤自己無奈我都唔知可以用咩身份再同佢私下交流。

Sara其實有搵過我，佢果然見到我同Den嘅嘢，其實叫Den去處理係因為我同Sara唔係合作關係講唔上有交情，我去處理實在係唔恰當，在公我算佢半個上司，在私佢係我下屬嘅女朋友，其實我都怕佢口快快對佢男朋友講啲咩，始終大啲同事都以為我係所謂嘅好仔，Martin以前對Den仲好似有多少好感。

Sara有日等Martin收工過咗嚟，劈頭就話我不負責任。
「公司一個屋企一個，你啲日子都幾開心啊？」Sara牙尖嘴利咁講，我皺一皺眉，Den原來都係未搞掂件事。



「你唔好講嘢住我無興趣聽你廢話，你諗住同女朋友一生一世做咩要搞阿Den？」我張口欲言，佢唔知道我同佢呢啲叫各取所需，佢哋啲細路女真係天真。

其實Den係我第一個出軌對象，第一個我除咗歷任女朋友以外好想得到嘅一個女仔。教佢做嘢見到佢崇拜嘅眼神，見到佢聽我講嘢嘅時候眼入面有光，哈，講到好言情小說咁，當然啦，都因為佢好吸引。

佢每次坐近我嘅時候，身上有好聞嘅淡淡香水仲有頭髮香，公司侷促帶有裝修味嘅環境，佢一靠近總會令我不由自主深吸一啖氣。

有次我地哄到好埋做嘢，將個頭放係佢一轉身就會輕輕掂到嘅距離，果然有別於女朋友嘅柔軟同香氣會令人有別樣嘅心曠神怡，落樓嘅時候玩佢耳仔仲發現佢好敏感，哈，唔知道我嘅氣息每每擦過佢，佢又會諗啲咩呢？