【甜/真人真事】我是他的常餐情人: 六十四

第64章
「食唔食飯？」

「Den姐聽晚食唔食飯？」

兩個差唔多嘅MSG同時響起，時隔一個月，Tony終於有啲反應，或許佢又想好似以前咁當無事發生，但係係錯誤嘅時間粉飾太平，會點樣都填唔平，點解個個都係唔係恰當嘅時候補償？

我打開另一個Keith傳嚟嘅Msg，我好認真地諗過假如要一段唔洗結婚嘅關係，搵一個未大透嘅player或許係最好嘅選擇，佢會識點樣佢令你開心就夠，當我寄望只要當下開心，又禁不住因為疲倦去奢望能夠有唔會生變嘅關係。

「好啊。」我覆Keith



然後到Tony..
「到底你想點？」我好似無數次對住Issac咁問佢。

「無想點啊，發完脾氣未？」佢都係以為我鬧脾氣。

「我地不如算啦。」我吸一口氣咁send咗出去。

「你有咗第二個？」佢隔咗半個鐘又online翻。



「你覺得我係咁嘅人？」我反問，因為我知道佢無諗過我會，佢亦覺得我唔會走。一段關係入面，如果有一方要用人哋嘅好感獲得伴侶俾唔到嘅認同感，距離關係分離崩析就不遠了。

或者係現代目光看來，呢個理由只係合理化我朝三暮四嘅藉口，Tony唔當我一回事，鐘意幾時搵我食飯出街隨時要我配合佢schedule都唔係一日半日嘅事，我同佢講過我會OT，叫佢要早啲講，但每次佢去到附近先約我我都只能死死地氣出現，否則佢會發脾氣。

係Issac嘅出現令我覺得，原來有人需要我、肯take care我嘅感覺真係好好，即使我係偷翻嚟嘅。