【甜/真人真事】我是他的常餐情人: 六十二

第62章
「咁耐唔見啊文上嚟食飯嘅？」啊媽問起Tony我都唔知道點同佢講，個女好似男人咁唔願結婚，理由係男朋友太放任自己？

「我同佢有啲嘢傾唔掂，而家都唔知叫咩狀態。」我好誠實咁答，

「佢有咗第二個啊？」我媽一向直覺好準，不過今次有第二個果個係你個女。

「唔會啦。」
「你地咁多年都平平淡淡搞咩啊？」
「媽咪啊，其實情侶係咪一定要用結婚去證明愛大家？」咁我一直picture唔到同Tony結婚係咪我無愛過佢。



「婆婆果代愛唔愛都要結婚，阿媽堂年到年紀有啱嘅就結婚，你地班後生先講咁多情情塔塔姐。」

「啊文呢係個好仔嚟…」咁係我配佢唔起，所以應該放佢去搵更好嘅人係唔係？

「如果我話同佢可能行唔到落去呢？」

「你唔想嫁，屋企間房就永遠係你嘅，你而家細個可以諗真啲，但以後點都需要搵個人同你行到老。」

相濡以沫呢個詞對大家嚟講可能係一段感情最好嘅形容詞，到年華老去，你扶著我行，我手震震咁幫你拂走衣衫上漏口遺下嘅食物碎，但我同Tony應該更適合相忘於江湖，此時此刻，我哋心入面仲有對方，就將句點就係美好嘅時候，咁你諗起我至少唔只係煩厭。



當我係飯檯有一搭沒一搭地同媽媽講緊嘢嘅時候，
「不如今個星期六陪一陪我？」今個星期係佢生日，其實我記得，

「我唔想一個人過。」

「陪我飲下酒都好，我唔會亂掂你。」

呢個人，係Issac。
但點解生日正日你見嘅會係我？