【甜/真人真事】我是他的常餐情人: 五十

第50章 人只得一個喜好太多

唔知有無人同我一樣有啲事明明決定好最後要留底好回憶，又往往一時衝動搞到件事錯曬，我明明想今日留底一個好回憶就唔再同佢糾纏而家又俾我搞到氣氛咁樣。

「你食完啦可？我收一收」我拎起我果盒只係扒咗兩啖嘅飯，望住唔知消化緊食物定我告白而有點發呆嘅佢，
佢由望向食物轉向望住我收拾嘅動作，依然好似以前咁可以由得個空間只剩底絕對嘅寧靜。

我偷偷瞥佢一眼，發現幾不可見嘅溫柔又係佢眼中出現，佢不嬲都鐘意我打點好所有野嘅樣，因為佢個港女女朋友不嬲係要佢去照顧，都多得佢女朋友嘅訓練，先造就當初令我著迷嘅、好識得照顧人嘅佢。

「其實，可唔可以就咁樣一直落去。」佢係我轉身掉垃圾嘅時候，輕輕抱住我，



「可以，但只係得今晚。」我推開佢去洗手，佢跟埋我入洗手間，望到我拎咗出嚟嘅震蛋。

「我想要你。」佢好認真好認真咁望住我雙眼講，隨即低頭好纏綿地錫我。

「我想出去先。」佢眼中嘅溫柔好似令我可以係短暫嘅晚上，再繼續欺騙我自己一晚。

其實呢一刻，如果只係抱住訓一下又可唔可以呢？

我一向係極度淺眠嘅人，其實我同佢糾纏咁耐都無一齊過過夜，一來要欺騙自己唔過夜好似所有嘢都係夜晚嘅癲狂，一覺訓醒佢就只不過係我嘅同事，我唔可以幻想太多，另一方面就係，就連同Tony一齊訓我都會無緣無故訓訓下醒咗，或許我哋終其一生都係係度搵一個可以令自己係佢身側安心入眠到天光嘅人，而今晚我地都註定無眠。