【甜/真人真事】我是他的常餐情人: 四十四

第44章
佢有一下沒一下地摸我個頭，我慢慢聽到佢呼息變得綿長，雖然我枕住佢手臂，但我其實一直都無將所有重量放到佢手上，就好似我同佢嘅關係咁，縱然我如履薄冰咁小心對待都免不了俾到壓力佢，因為除咗佢同女朋友果段關係，佢一啲其他野都唔想承受。

一開始我唔知可以點定位自己，亦都曾經諗過我可以得到佢，但而家我終於知道佢可以扮到對我有佔有慾，佢亦可以心情好嘅時候講甜言蜜語偶爾氹我，但係都僅限於此。

其實呢種無聲嘅親密感令我幾享受，佢既呼息係耳後、後頸遊蕩，酥麻感由脊柱一路傳上頂端令人有啲心浮氣躁，我移開少少我個頭唔想呢仲纏綿感打擾我嘅思維。佢感覺到我既異動，又伸手環住我胸前將我抱緊，突然之間感受到佢既體溫依然令我心猿意馬，我用手把玩佢嘅手指翻轉身望住佢，佢亦深深地望入我既瞳孔，果一瞬間我差啲覺得我係被愛既。

「知唔知點解我之前唔想再同你玩？」我推開佢坐起身問佢

「我問過你你唔講..」佢一直用手抓住我手腕力度有啲過大，



「你每次只係喺你想要嘅時候，隨隨便便就上我」我刻意唔望佢。

「對唔住囉我知我有時候太粗魯，但我以為你鐘意」

「你仲射入我度..」

「咁係你入面真係好舒服啊嘛，我想完完全全佔有你。」佢試探地想抱著我條腰。

「你無一刻真係錫我想對我好，我需要你嘅時候你永遠都唔會出現。」我落床坐咗喺床旁邊既櫈度，感受空氣中嘅冷意似乎可以令自己清醒啲。



「咁我地如果接觸得多，就會衍生出唔該有既感情」呢個就係佢嘅真實感受。

「咁我如果講，我之前有沉過你船呢..?」

《一代宗師》裡面有一幕講章子怡飾演嘅宮二見葉問最後一面，佢話"葉先生，說句真心話，我心裡有過你。我把這話告訴你也沒什麼。喜歡人不犯法，可我也只能到喜歡為止了。"

我知道我同你去到盡都只不過係SP，由關係一開始已經結束，無可能有任何嘅變化，係我自己貪婪、天真地諗得過多、自討苦吃，所以我只能係我同你嘅最後一晚將我既喜愛話你知，即使你一早feel到，所以恃住我鐘意你胡作非為，事到如今被你知道都無咩嘢，我都知道只能僅此而已，唔應該再做你嘅玩物。