【甜/真人真事】我是他的常餐情人: 四十三

第四十三章
完事嘅時候佢抱住我，用仿佛將我揉入體內嘅力度攬緊我，佢掹出嚟同我講咗聲佢要去清洗。我點點頭拎過床頭嘅紙巾盒抹自己，無好似以前咁走入去一齊沖，我諗係時候要開始學習唔好每時每刻都貪戀佢嘅溫度，唔好習慣做女朋友先可以做嘅事。

佢沖完身出嚟想過嚟抱住我，我無意識地掙扎咗下，佢問幫我沖身好唔好，我推開佢行咗去沖洗，熱水順住未乾透嘅頭髮滑落面頰，再流入口中居然帶住啲鹹味。

我出到去掀開被鑽入被竇背住佢訓底，佢從後環住我另一手拎起毛巾幫我抹頭，原來只要佢想就可以對人好溫柔，只不過係佢之前一直唔願意做，係整個過程入面我都講唔出任何一句說話，如果呢啲舉動係我對佢失望之前發生，我可能好容易就可以被佢再次迷惑，投入佢懷抱繼續做無名無分嘅玩物。我寧願係佢本身就唔識做呢啲嘢，而唔係唔上心唔在意所以冷待我。

「做咩好似個小朋友咁唔整乾個頭就想訓？」我背住你唔係想訓覺，而係我怕自己又用喜愛嘅眼神望住你、我怕你眼中嘅狂亂只會係搞我嘅時候出現而此時此刻眼中咩情緒都無、我怕自己越望越唔捨得任何狠心嘅說話都講唔出口。

「我有啲攰..」容許我再俾自己少少時間思考我跟住應該點面對你，又有無必要將自己心入面嘅諗法話你知。