【甜/真人真事】我是他的常餐情人: 三十

第30章 放過自己
我苦笑又心底明瞭我同佢咩關係都唔係，所以佢只會命令我好好地處理呢件事令佢唔會有手尾，個語氣就好似吩咐一件公事咁。

一早起身好似冇瞓過咁，不斷斷斷續續咁醒我一起身就頭痛欲裂，原本想射波但係今日又要同佢哋出event，迫不得已又要對住佢。上完妝勉強遮住自己個殘樣出門，返到去做完要處理嘅嘢行去佢哋嗰邊，見到佢哋嗰邊興高采烈咁樣攞住一盒類似首飾嘅盒。

「Isaac哥你同條女一齊咗咁多年，幾時到你呀？」keith拎住盒野應該就係Anthony新接返嚟嘅project。

「都其實唔拖得㗎喇，佢都唔細，都係呢一兩年嘅事。」

「有冇咩求婚大計可以用落今次嘅Project先？」



「我俾咗條私伙橋出嚟到我求婚嗰時點算？」佢抬頭一望見到我企左喺附近，窒咗一窒，又扮到若無其事咁答Keith 。

「我可以出發…」我向着keith個方向講，然後頭也不回咁行返我哋嘅嗰邊，我再聽落去應該控制唔到自己。

去到個場嗰邊，我不斷提醒自己只能夠Focus on工作上面。中途佢有幾次過嚟問嘢我都好公事咁樣答佢，到食飯嘅時候， Keith手頭上仲有啲嘢未做晒，Isaac話不如我同佢兩個出去食先，我特登扮聽唔到，同keith講等佢。

「做咩唔睬我？」Isaac終於發覺我有啲唔妥當。當然我都唔諗住覆，作為SP佢都係唔合格，尤其喺sex永遠都冇問過我嘅意願，每次完咗事之後就抌低我，我係佢心目中只不過係一個垂手可得嘅免費雞，佢心入邊有更加珍重嘅人，一兩年後就會結婚，佢就算知道我鍾意佢佢都唔會顧忌我嘅感受，咁不如放過自己啦唔好再因為佢講嘅一句說話而有起伏。

我唔會再主動搵佢，我不知深淺，以為每一次嘅佔有就係愛，我不知廉恥，以為送上門終有一日會分攤到越來越多嘅愛，係我糾纏你，越得不到越執著。



我有一萬個想見你嘅理由，但連一個見你嘅正當身份都無。我為咗一個唔會肯同我傾電話嘅人辜負咗一個願意日日等我電話嘅傻瓜。