【甜/真人真事】我是他的常餐情人: 十七

第十七章 佢唔介意

到底一段感情係應該裝扮成你想要嘅模樣委屈求全定依照真實嘅自己去相處？以前我以為我適合後者，我以為自己嘅性格足夠有趣，原來你只係扮到對我個人有 興趣，，最後我選擇咗前者，我用放浪嘅形象令你放心，我唔需要你給予更多，因為你同我嘅其他人一樣隨隨便便都可以得到一個易上手嘅女人。

想返去個位度， Sara見到我面紅紅咁跑返個位，佢過嚟摸一摸我個頭，以為我有少少唔舒服，啱啱回過神嘅我向後縮左一宿避開咗佢隻手，
「你係咪唔舒服？」Sara好擔心咁講，佢feel到我怪怪地。
「冇乜嘢今日有啲攰我都係早啲收工返屋企抖。」
未熄機睇咗一下email，發現個客嗰邊send咗個comment過嚟，雖然進度好好但係大家都想快啲解決呢單project,我行去望一望Isaac Dept嗰邊，發現嗰個同事都未準備收工咁，唉咁我簡單過去brief 佢哋一下，又係時候要過去Isaac嗰邊同佢哋對野。

見到Issac啱啱退左少少嘅面紅又有少少返番上面，我行到過去Isaac眼尾見到我，特登唔望向我呢邊，我行過去同Keith講關於啱啱個email嘅嘢，


「難得見den姐過嚟，你點呀我差唔多攪掂啦喎，不如一齊收工去食飯？」呢個人成日都借啲意約我，今次既然時間啱啱好咁就同佢哋Team啲人去食一餐，我抬頭望一望見到martin仲喺度埋頭苦幹，

「好啊咁我過去叫埋Sara過嚟食。」Isaac眼尾連望過嚟嘅慾望都冇，其實講到尾佢都係喺度製造一個佢會呷醋嘅假象俾我睇，事實上佢一啲都唔介意佢已經得到手嘅玩具會俾其他人享用。

「唔知其他同事一唔一齊呢？」我特登高聲問，如果Isaac哪怕有1秒諗住我係佢嘅人，佢可能都會一齊食，但係佢依然不為所動。

未得到我之前佢要溫柔要扮到好識照顧我，咁佢不費吹灰之力就可以凝造出最能夠騙到我嘅假象，而家佢假裝都嫌費力氣。