《我在女校教書的日子》: 14.
歡樂的時光總是很快便流逝，我和她們倆的一小時溜冰總算完美落幕，相信下次我便能夠自己一人稱霸溜冰場。
「雖然你今日仲未學識溜冰，但係見你咁努力，我都請你飲啦。」嘉柔向我遞了一包蘋果綠茶。
「多謝喎，咁好死。」
「哇，千雪你睇下！」嘉柔興奮地撲向商場的廣告版前。
「係你最想睇既戲啊，今日終於有得睇啦。」
「咦，係喎，不如我地今日去睇啊。」
「愛在日落前？千雪你鍾意睇呢啲愛情戲架。」我問她。
看海報，這似乎是一套外國愛情浪漫電影。
「都幾架，男主角又咁靚仔。」第一次從千雪口中聽見他喜歡的男生，難道這就是她的類型？
「仲有十分鐘開場，我地快啲去買飛啦。」嘉柔看著電影的場次表說。
「我去買啦，你地係到等我。」千雪自告奮勇地走到售票處，可能今天是首映，排隊的隊伍也比平日長。
「喂，墨子。」嘉柔鬼鬼祟祟地叫我。
「做咩？」
「啱啱，你咪問點解千雪唔食肉既？」
「我同你講，但係你千奇千奇唔可以講出去架。」
「得啦，你放心。」
「其實，我對千雪中學之前既事都唔係太了解，關於佢屋企既野，我亦只係一知半解。」
「我記得，千雪同我講過係佢細個嗰陣，佢親生阿媽同左第二個男人一齊，老豆就因為無錢還賭債上左大陸。」說到此，千雪的身世好像和我有點相似…
「跟住佢就跟左佢阿叔一齊住，而佢阿叔係一個豬肉佬。」
「有一晚，佢阿叔飲醉左，成身肉既血腥味加埋酒味，趁千雪訓著左，侵犯左千雪。」說到此，我愣了一愣，望向嘉柔。
「你講真？」我問她。
「我呃你做咩。」
「我諗，呢個就係佢唔食肉既原因。」
原來電影裡的人物也真的會在現實出現；悲慘童年，沒人照顧，家暴，被侵犯等等，千雪她也經歷過。
「咁之後呢？」我追問下去。
「之後佢好似去左寄養家庭，不過都唔係咁好，成日比人當個波咁掉黎掉去。」
「不過都算有個地方住同有人照顧，我都放心啲。」聽到此，千雪其實對嘉柔隱瞞事實，因為，她根本沒有屋住。
「佢無兄弟姊妹架咩？」
「好似有個家姐，不過…」嘉柔的樣子好像有口難言。
「不過咩？」
「終於買完，時間啱啱好，我地入去啦。」此時，千雪已經回到我們當中。
對於千雪的家境，我還是耿耿於懷。
進到戲院，嘉柔坐在中間，我坐在她左邊，右邊則是千雪。
「你地唔覺得，同啊Sir睇戲有啲奇怪咩？」我低聲問嘉柔。
「一早就無當你啊Sir啦，墨子！」嘉柔拍拍我的膊頭說。
「Shh…細聲啲。」全場的人都望向我們，幸好電影還未開始。
她沒有當我是老師，那我是朋友？還是一個照顧她的大哥哥。我望著她們，她們也許純粹的當我玩伴，但我怕，她們被人看見會招人話柄。
「套戲開始啦，好緊張。」想不到，嘉柔也對這種電影有期盼，而我一直只對港產片有興趣。
電影播到一半，發現嘉柔身體微微發抖，雙手抱著自己的身體，看似是有點冷。
我打算從背囊中拿出外套給她，但這天，我卻把外套落在家裡…
「乞痴！」嘉柔不自禁地打了個噴嚏。
「你有無事啊？」我問她。
「有啲凍。」嘉柔的聲線開始變得沙啞。
「如果你頂唔順，你出去行下啦，係到冷親架。」
「唔洗啦，我ok。」嘉柔就是這樣倔強的人，誰的說話也不願聽進耳朵。
電影終於完結，嘉柔也忍不住，在最後五分鐘逃了出去。
「套戲幾好睇喎。」我跟千雪講。
「係呀，有啲感動。」其實結局到一半便猜到，是否唯有淒美的愛情故事才能吸引觀眾。
「嘉柔呢？」
此時，千雪的電話叮了一聲。
「嘉柔：我有啲唔舒服，返左屋企先，對唔住啊。」
「喔，嘉柔話佢有啲唔舒服返左屋企先。」看來，剛才她是冷病了。
「咁我地返屋企？」
「嗯。」
當我們正一起上巴士回家的時候，卻被遠處的嘉柔看到。
我一直擔心著嘉柔，她能照顧好自己嗎？她會吃藥休息嗎？只怪自己沒有帶外套出來給她。
「我啱啱打左比嘉柔，佢話佢食完藥，準備訓覺休息。」千雪從房間走到客廳跟我說了我想知道的答案，難道千雪真的會讀心？
「哦…咁就好。」
「係呢，你溫書溫成點。」其實，距離考試只有不足兩個星期。
「還好啦，啱啱睇到牡丹亭驚夢。」
我隨著千雪進房間，其實她來了以後，我也沒有怎麼進過去。
「呢到有啲唔明。」
「哦，咁首先呢…跟住醒後回想起夢境就…」這使我想起自己之前尷尬的場面。
我們一直在溫習，時間原來已經到了深夜時段，千雪的雙眼也開始投降。
千雪就這樣睡在桌子上，我哄到千雪面前，仔細看她的五官，真的很完美，而且沒有化妝，就是個不折不扣的睡美人。
為了不犯今天剛犯的錯，我決定把千雪抱起，然後放她到床上。
想不到，她突然醒了，臉也紅了。
「Er…我…」我立即把千雪輕放在床上。
「你好大力喎，抱得起我，嘻嘻。」千雪害羞的說。
「係咩…我…我出返去先，要出卷。」
「你唔係出完啦咩，麥子Sir。」千雪帶著傻氣地揶揄我。
「係呀夜啦…咁…早抖！」說完我便離開了房間，躲在門後，抽了一口氣。
「呼…希望今晚唔會再發春夢。」隨後，我們也進入了夢鄉，屋子剩下沉寂。
日光喚醒了我，這也提醒了我，到了一週最討厭的日子。
我又再回校的路程碰上嘉柔。
「你好返啦？」看見嘉柔木無表情，不知道誰惹到她了。
「嗯。」
「如果你未好返就係屋企抖下，就黎考試，要保重身體。」
「千雪呢。」人是溫暖的，但說出的話卻是冰冷。
「千雪？咩事。」這幾個月，我的演技似乎進步了不少，而我靈敏的鼻子好像嗅到危機。
「個日，你地係咪一齊返左屋企？」嘉柔停下了腳步，轉向我。
「下？無…點會一齊返屋企。」
「我見住千雪同你上同一架巴士。」原來，當日嘉柔將所有事物都收進眼簾底。
「哦…因為呢，千雪佢要去我屋企攞返上次踩單車個日漏低既野。」
「所以，你先見到我地一齊上巴士。」
「就唔好諗到咁誇張，咩一齊住，我地係老師同學生，點會咁做呢？」千雪依然一臉疑惑地看著我。
「咁點解個日見面你唔比佢，要最後一齊返屋企攞？」此刻她好像檢察官一樣，不斷追問我。
「其實我唔記得攞比佢，千雪又急住要，所以咪一齊返左去囉…」這個解釋，我也挺滿意。
「算你啦，你唔好諗住打千雪主意啊，人地係好女仔黎。」我鬆了一口氣，如果被發現，我的下半生肯定完蛋了。
「放心啦，我唔係咁變態囉好無。」
「哈，你都知自己變態呢。」看來嘉柔恢復心情，向我扮了個鬼臉便快步走進學校。
受著微風的吹拂，黃葉飄落在我們之間，看著嘉柔的身影，不知道下一年，再下一年，甚至再之後的日子，我還能否遇見她們。