《我在女校教書的日子》: 5.

來到週末的日子，亦是文學班第一次的補課。


這是我第一次看到她們穿著便服的樣子。


這天，嘉柔穿了一件Oversized的粉色衛衣和緊身牛仔褲，給人一種小鳥依人的感覺；而千雪則穿了一條白色連身裙，臉上好像塗了少許的胭脂，十分合適她，這樣的裝扮，用美若天仙形容她亦有過而無不及。


「好啦，今日雖然係星期六，但係為左大家既成績著想，就叫大家返黎補課，希望大家係下年DSE有好成績。」






「你唔想比人照肺啫，麥Sir。」相信有膽量說出這句的，亦只有林嘉柔。


「呢位同學，你咁諗就唔啱啦，老師幫大家補課，實在犧牲唔少，為既，亦都係一眾親愛既文學同學。」


「虛偽…」嘉柔說畢便伸出舌頭裝作嘔吐的樣子。






「上次去機場寫個篇文都唔錯，尤其係千雪同學，繼續努力。」


「林嘉柔，你都有進步，至少唔係寫野食比我睇，你都加油。」


「哼，梗係。」真不知道哪來的自信，全班分數最低，又無心向學；這個人，一定是與我有什麼淵源，才會選到中國文學。






「為左令大家係卷二，即係答題上進步，今日會幫大家操卷。」


「下，又操…」嘉柔怨聲載道。


「所以，為左令大家有趣地操卷，我想大家寫啲野先。」


我走到同學們桌子前，一個一個地派發白紙。


「要寫啲咩？」千雪問道。






「我地由蒹葭開始溫習。」


「呢首詩係關於作者藉眼前景物，抒發對伊人既感受，雖然追求不得，但係佢並無發怨言，反而溫柔敦厚；所以想你地寫一首詩，或者短文，表達對伊人既感受，呢個人可以係任何人，因為作者都無表明係邊個，可以係你鍾意既人，朋友，情人，甚至係你既長輩。」


「邊個Ian啊，古代有英文名架咩。」嘉柔笑著說，我望向嘉柔反了個白眼。


「係呀係呀，個作者鍾意Ian啊得未。」我回答嘉柔。


「噢，佢哋搞基…」嘉柔再說。






「好啦，唔好亂講嘢啦。言歸正傳，我咁樣做係希望大家可以更加深入了解篇文章同埋作者既感受，大家開始寫啦。」


「墨子，你會唔會寫呀？」嘉柔問我。


「我？我點解要寫。」


「一齊寫啦，睇下你寫邊個都好。」說到此時，千雪的視線轉向了我。


「好啦好啦，我都寫啦。你地快啲寫，寫唔晒唔準走啊。」






伊人，在水一方；而你，卻在何方。
雖看著同一個月亮，但怨恨自己無法把月亮捧在你手心。
看到被風吹滅的蠟燭，也知道是時候在夢中與你相見。

我將此段句子寫在白紙上，對著這段文字強顏微笑。


「墨子你寫完啦？咁快既，睇下。」


「你專心啲寫啦，寫完咪俾你睇。」


「唔得啊，快啲比我睇啦。」嘉柔走出位置，走到我旁邊。






她突然踮起腳搶走我手中的白紙，但一不小心，失足撲在我胸前，幸好我反應敏捷，捉住了嘉柔的雙手，免得她跌倒。


「喂，你有無事呀。」嘉柔慢慢站穩，我依然捉著她的雙臂。


「痛…」嘉柔辛苦地道出。


「邊到痛呀？你坐低先。」


「手呀，你捉得我咁實。」原來我一直緊緊握著她。


「喔，對唔住。」


「你洗唔洗去醫療室？」


「無事啊，我女強人黎架嘛，少少痛算啲咩。」


「都叫左你唔好咁貪玩架啦。」


「咩喎，你唔比人睇啊嘛，最衰都係你。」


「你快啲返埋位先啦。」


「好，橫掂我已經攞到你張紙。」嘉柔得逞地高舉旗幟，有如搶灘成功達陣般興奮。


「唉，真係無你符。」


嘉柔仔細地檢查我所寫的文字，擺著一副認真的樣子。


我把目光轉向千雪，她卻面無表情，埋頭苦幹地寫，但我仔細看，她根本沒有在寫字，而且更眼泛淚光，她，怎麼不高興了？


「千雪，你寫成點啊。」我突然走到千雪旁說話好像嚇了她一跳。


「差唔多寫完啦。」我望著紙上，只有兩句。


「你可知道，你成為了我的伊人？
看來，你是不知道。」


「你既伊人係邊個啊？」我好奇地問千雪。


「Er…佢唔存在架。」千雪匆忙地解釋，可愛得很；看來千雪是不懂說謊的人。


「哦…」


「麥Sir…你覺得，鍾意一個人，應唔應該比佢知道？」千雪突然問道。


「應該啊，如果你唔講，人地又點會知呢？」


「咁如果，個個人…可能係你一世都無可能一齊既人呢？」


「世界上邊有無可能既事，咩都有可能，唔試又點知唔得呢。」雖然我曾經失敗，但我依然相信。


「嗯…」


「好啦，相信大家都寫完，咁麻煩傳出黎比我啦。」


「跟住落黎個半個鐘，我地就會教…」


補課終於完結，但距離中期考試卻越來越近…所以我決定，加開補課班；看看時間，原來工作到夜深了，身子也支持不住了，這個消息便留在明天上課才宣布吧。


「麥Sir知道大家都辛苦，但係就黎考試，所以我決定加開課後補課班，即係放學留低幫大家補課。」


「咁咪即係罰留堂？唔要。」嘉柔回答。


「當然，呢個補課班唔係強制性，自願報名，如果有興趣既話就前一日同我講，我就會預備比大家。」


「但係，統測成績唔過60分既，就一定要留低。」


「咩話，咁唔公平…」嘉柔扁嘴說。


「你都唔想考試成績唔合格架，你知啦，考試唔合格，要見家長架。」


「唉，好啦好啦。」


「千雪，你會同我一齊補課架何？」嘉柔可憐地問千雪。


「會啊。」聽到千雪地回答，我心底裡，卻長出一絲愉悅的幼苗。


「聽日就會正式開始補課，報名既同學要有心理準備，呢個係地獄式訓練。」我奸笑地對她們說。


看著她們上課時越來越專心，有時候連嘉柔也會答對問題，看來週末的補課班並非白費，加上接著的課後訓練，她們肯定如虎添翼。


時鐘上的長短針指向四時半，意味著地獄式訓練要開始了。


「好，講到明呢個係地獄式訓練，大家要做既野就會更加困難。」


「同大家玩個熱身遊戲，呢到有十個人，一人一句背出楚辭 九章 涉江；背錯個個人就罰抄個句。」


「唔係嘛…」嘉柔輕聲說。


「千雪，你識唔識背。」嘉柔問千雪。


「嗯。」千雪點頭回答。


「死啦，無背過添…」


「好，你先。」我指著頭一位的女同學。


「余幼好此奇服兮，年既老而不衰。」


「下個。」


「帶長鋏之陸離兮，冠切雲之崔嵬。」


「到你。」我看著嘉柔。


「Er…」千雪一臉尷尬的看著桌子。


「係咪唔識背，唔識背就罰抄。」


「呢句係被明月兮珮寶璐，溷濁而莫余知兮，吾方高馳而不顧。」


嘉柔默默地寫下這句，她開始意識到，這個地獄訓練，只是開端。

「繼續。」


「駕青虬…」


「又到你啦，林嘉柔。」


「Er…我唔識…」她的表情比之前越來越不悅。


「咁你知要做咩啦。」


坐在嘉柔旁的千雪也一臉擔心的看著她，全班，亦只有林嘉柔不會背。


「余將董道而不豫兮，固將重昏而終身。」


「林嘉…」我話音未落，卻傳來一陣的啜泣聲。


「我…我真係唔識…」嘉柔也終於按耐不住，將一整課的情緒爆發出來，眼淚一滴，一滴地滴在桌子上。


「我地休息十五分鐘，林嘉柔你出一出黎。」