《疫戰都市》-《這個殺手不太濫》: 第十一章 - 陷阱

入夜，一部電單車駛向廢車場，電單車聲浪被雷雨聲所掩蓋，五十嵐飛燕下車後一人前往約定地點。
「叫大聲D！我要嘅係悽厲嘅慘叫，就睇你忍得幾耐？」鬼影說著，一隻手在操作遙控，每當他按鈕時，被吊起的平仔便被高壓電流貫通全身，發出慘叫。
嘯……！一隻燕子形飛鏢突然從遠方飛來，擊中他持遙控的手，遙控整個掉在地上。鬼影反應極快，另一隻手立即持槍向飛鏢來襲方向開火。
「唔想佢死嘅話，同我躝出嚟！」
黑暗中走出一個長髮女子的身影，風吹起她那長度及腰的秀髮。那女子是五十嵐飛燕。
「走近一D！雙手舉高！」鬼影說話同時，槍口對準五十嵐，然後向四周的空氣叫喊道：「你哋班廢柴一個二個死咗去邊？」
「你嗰班飯桶，統統被我綁起晒啦。」五十嵐說，雙手放在後頸。
「飛燕姐……陷阱……唔好……過來」平仔出盡力氣勉強說出來。
「唔－好－郁！依度安裝咗動態識別感應器，除咗我同人質之外，其餘目標一律被自動輕機槍瞄準！」鬼影說話時，雨勢加劇起來，地上到處佈滿積水。「企直D。」





五十嵐飛燕紋風不動，筆直的長髮降至腰間，展現出性感的曲線身段。
「真係浪費晒，好一件世間尤物，死咗實在可惜，不如由妳做我床邊條女，等我試完再向上級代妳求情好嗎？」鬼影說。
「你想點？先放咗人質再講！」五十嵐說。
「慢慢一步一步行過來。我依個電子裝置朋友唔識得分辨妳內心意圖，佢感覺到妳嘅動作太具挑釁性，太快嘅時候就會下達開火指令。另外，當我吹一下口哨，佢都會乖乖咁開火。」

五十嵐飛燕逐步移近鬼影，只見自動輕機槍鎖著她的身體作為目標擺動著槍桿。
「停！依家開始慢慢除晒身上所有衣服，我要同妳做保安檢查，順便睇清楚妳嘅BODY到底值唔值得我為妳去求情。」鬼影說。
「好，就照你意思去做。」五十嵐說，同時放在後頸的一雙手開始忙碌起來，遠看像脫衣的前奏，亦即解開黑色緊身衣背後拉鍊的樣子。「知唔知女仔長髮背後有咩秘密？」
「做得好！我最欣賞人主動嘅........」鬼影自我陶醉地說著，持槍的手不自覺地垂了下來。
忽然，五十嵐飛燕的左手在長髮與後頸之間掏出一個遙控器，隨即說：「遙控器並唔係你先至有嘅玩意。」語音方落，一個手指便按了下去。「轟……！」自動輕機槍裝置立即被炸毀。





鬼影被突然的爆炸分了心。就在錯愕之間，那持槍的手被五十嵐右手所發射出來的燕子飛鏢打中，手槍掉進水窪之中。
「臭雞！」正當鬼影伸手進入水窪內欲撿起手槍之際，五十嵐飛燕在腰間掏出另一把飛鏢，以凌厲的速度打斷了水窪上的高壓電線，電線掉進水窪內，釋放出強勁電流。
「呀……！呀……！」鬼影就這樣被高壓電流貫通身體，直至氣絕身亡。

終於，平仔順利被解救了出來。在陰暗處，五十嵐向站在身後的金不換說：「雖然我唔明白你嘅意圖，但我好多謝你今次嘅仗義幫忙。」說話後把剛才使用過的遙控器拋回給他。
「請記住我哋下次嘅約會。」金不換說，然後目送五十嵐飛燕利用電單車載著平仔揚長而去。

在太保的豪華府邸內，這晚金不換向太保匯報自己在廢車場的發現。
「照你咁講，有冇受傷嘅幹部見到恐怖份子係點樣逃走嘅？」太保說。




「我趕過去時鬼影已經遇害，廢車場入口嗰邊幾個幹部全部手腳被綁，救起時仲處於昏迷狀態，就連CCTV都被人破壞埋。」金不換說。
「嗰幫人真係有咁本事？唔通我低估咗佢哋？」
「對唔住，我會加緊追查嘅。」
「辛苦你啦，先休息一下。」太保話畢，金不換隨即離開了大廳。

數分鐘後，太保說：「出來。」一直蟄伏在房間內的獵鷹步出大廳。
「獵鷹，又到你出場嘅時候啦。」太保說。
「先生，即管吩咐。」獵鷹說。
「我係個多疑嘅人，我唔想剛收買返嚟嘅資產瞬間變成負債，特別係段連城教出嚟嘅徒弟，我諗你明白我意思。」
「明白，追捕獵物係我強項，我會確保組織內唔會出現叛徒。」