《遊夢玩家》［夢想］［網遊］［電競］（全程廣東話）: 第十一章 往事嘅矛盾-羅維素

名為素素嘅女仔返到屋企之後，佢嘅屋企人都發現咗佢最近可疑嘅行蹤，就問咗佢：「你最近又去網吧做乜鬼嘢啊？」

「冇⋯⋯都冇去網吧⋯⋯」素素驚心動魄咁樣答咗佢嘅媽媽，點知道換返嚟嘅係一句質問：「冇去？咁個保溫樽係攞俾邊個㗎，仲唔係攞俾你阿哥佢嗰班豬朋狗友嘅湯？」

「媽咪呀，佢哋唔係⋯⋯」素素打算反駁佢阿媽，點知佢阿媽突然之間又重蹈覆轍咁樣講話：「好心你啦，而家好好地做港大數學教授唔好咩，你阿哥呀！都係比嗰啲遊戲害死㗎咋！」素素忍受唔住呢啲風涼說話，但同時亦都解決唔到心中嘅矛盾，眼淚係眼中不停翻滾，準備流出黎，但佢都強忍直到返返入房佢先喊咗出嚟⋯⋯

「阿哥啊⋯⋯點解你要走啊⋯⋯」佢不停喺度埋怨話。

素素，全名羅維素，係三大精算師羅素個細妹，現港大數學系教授之一，生於書香世家，本身佢阿哥同佢都熱衷於數學，但⋯⋯一次突發性嘅心臟病，令到原本有大好前途嘅一位少年就咁樣喪失左生命，佢嘅屋企人自此落咗一條家規，羅家任何子弟不得踏足電競界半步。





但係由細跟住四位「哥哥」一齊玩遊戲，聽住佢哋研究策略同計數嘅過程令到羅維素鍾意咗網遊，但同時處於矛盾之間。佢諗唔到接住落嚟應該點樣做？

去到第二日，上堂講書嘅時候佢都為咗依件事分咗心，見到坐喺教室裏邊嘅學生有啲喺度玩遊戲，佢冇鬧到佢哋，但諗返起嘅卻係一段回憶。

當年仲係高中生嘅佢，成日入嚟港大偷偷地同四位哥哥拜師，一邊傾點樣入大學嘅事，一邊睇住佢哋討論遊戲裏面嘅內容，而佢哋坐嘅位置就係而家學生坐緊嘅位置。

「好，落堂啦⋯⋯」到咗落堂嘅時候，見到有啲學生上前問咗一句：「羅教授，遊戲裏面嘅操作時間其實係唔係可以計算到出嚟㗎？好似新聞上面講話無限暴擊嘅操作時間可唔可以⋯⋯」

「唔好意思⋯⋯我無可奉告⋯⋯」 羅維素克制住自己要自己冷靜落嚟，然後離開教室，去到一個遠少少嘅地方先冇低咗落嚟喊咗出嚟。





「你真係一個幾容易喊嘅人喎⋯⋯由細到大都係咁⋯⋯」一個熟悉嘅聲音係羅維素耳邊經過，佢即刻反應過嚟：「阿時哥哥？」佢接咗夏時嘅紙巾抹左一下眼角嘅眼淚。

「我哋過去canteen嗰度傾啦？」隨後兩人就去咗港大嘅飯堂坐低喺度傾。

「成日都諗翻起之前同大家嘅生活添⋯⋯」 羅維素手中握跟住紙巾，一直喺度講，夏時都知道對方難堪喺度解釋話：「好多時並唔係你嘅問題，只係一啲外在問題嚟嘅啫！」

「話時話你阿哥嗰套算法原來到而家都仲用得！」夏時諗住用羅素之前嘅豐功偉績你氹番羅維素開心，佢亦都笑左一下話：「亦都可能如果佢仲在生嘅話應該就唔係蘇奇華做聯盟預言家！」夏時會心一笑咁樣話：「係呀！係呀！論預判實力，應該冇邊個可以比得上你阿哥！」

「但係佢已經走咗喇⋯⋯」羅維素突然之間又死氣沉沉咁樣講話。





「咁你嘅取向係點樣呀？」夏時突然之間喺度問羅維素，令到佢一時三刻都答唔到出嚟。

「我講唔出口⋯⋯」 羅維素回答左夏時，夏時亦都照直咁樣搭話：「你記唔記得我之前點解放棄左做職業電競選手。」對於 羅維素呢種學霸來講呢啲小事一定記得啦，佢就答話：「九年前王朝娛樂公司係招聘佢哋第一隊CODE online電競隊伍Dynasty-王朝嘅時候舉行過一場入職賽，係嗰陣時⋯⋯」

「Ok！Ok！去到依度OK啦⋯⋯」夏時突然之間覺得好尷尬唔想再聽落去，因為佢估唔到對方真係完全記得晒，之後就講咗一句終結左呢個話題：「總之最後就停咗學亦都冇入到職啦！」

「但係我而家又諗住重拾返當初嘅嗰個夢想⋯⋯」夏時見到再次沉左落嚟嘅羅維素就同佢講左一個事實，同埋最近發生嘅事佢就講到：「最近呢咪第九屆職業聯賽嘅，我本身以為班後生仔只係貪好奇所以先至會睇呢一場比賽，點知我見到一個眼神好堅定嘅一個後生仔，佢同我講話佢想令到呢隻game再次發光發熱，最後你估吓點啊⋯⋯」

「最後？」羅維素最後停止左思考任由夏時自己答返呢個問題：「最後我同嗰個後生仔同埋一個女仔組咗一個隊伍，聽落去好似好荒謬，但事實就係咁，嗰個後生仔嘅意志同埋決心令到我諗返起當年嘅初衷。」羅維素聽到呢一個咁開心嘅消息都燉夏時開心，但佢完全想像唔到呢一個故事都可以引用係自己身上。

「如果真係想做嘅話，冇人可以阻止到你⋯⋯」夏時講咗最關鍵嘅一句，隨後就叫羅維素自己諗吓先。

夏時一諗返起羅家嘅一啲事就突然之間講返起之後抱怨話：「又真係嘅！又唔俾我哋三個去你阿哥個葬禮，真係笑死我，我就算啦，阿洪同阿信呢種知名人士去個葬禮都要犧牲佢哋時間啦⋯⋯」夏時突然之間氹左羅維素開心令到本身死氣沉沉嘅佢都變得有活力。

去到夜晚黑羅維素最後都係下定決心，收拾買自己嘅衫褲鞋襪，拖住個篋，留低左自己果封離家出走嘅信，之後就call咗㗎的士去遊夢網吧。





佢嘅屋企人返到嚟只見到一封信寫低話：「親愛嘅爹哋媽咪，非常抱歉我要離家出走， 因為我希望實現返哥哥未實現嘅夢想，即使你哋會就此唔應我做你哋嘅女，但都冇所謂，學校嗰邊我會照去，你哋亦都唔使話報警話有失蹤人口，我會生活得好好，你吔相信我啦！」

喺羅維素嘅父母睇完依封信嘅時候佢已經去到遊夢網吧⋯⋯

經歷過上次雨夜屠夫事件，網吧亦都開始多咗人留意入嚟網吧嘅人係邊個，今次仲要嚟咗個拖着篋嘅，佢哋更加覺得好奇，但因為店員嘅夏時講咗句話：「素素？」所有人先意識到係店員個朋友就繼續打遊戲。

「阿時哥哥，我離家出走啦！」羅維素咁樣答嚇死晒在場所有男性，身體瘦弱嘅女仔仲要一個人係外面流離失所，好容易出事㗎嘛！

當然隨後佢都解釋到話：「以後呢我會住期住喺網吧附近，得閒就落嚟打機，做你哋嘅Supporter！」夏時都講咗一句：「你認真㗎？」

「但我有一個條件！我要加入你哋嘅隊伍！」羅維素面帶笑容咁樣講咗呢一句話。