《遊夢玩家》［夢想］［網遊］［電競］（全程廣東話）: 第八章 打沉士氣，又再返嚟！

樂天明好唔容易有返胃口食返野，就突然之間打氣精神話：「隊友可以搵返嚟嘅啫，雖然唔知道係邊度搵返黎⋯⋯但係如果我哋刷新到30級副本嘅最快紀錄！一定好快可以搵到隊友嘅啫。」

夏時見到樂天明咁快振作起嚟都會心一笑，但睇一睇孫善尚，佢嘅情況唔係好樂觀，好似冇晒鬥志咁，佢希望呢個只係表面睇落去係咁⋯⋯

「你冇嘢吖嘛？」樂天明主動去問孫善尚。

「仲有啲咩方法可以打敗佢呢⋯⋯」孫善尚正在不停的思考着取勝方法，操作？數值分配？還是有其他的技術可以學一學？孫善尚越諗就越唔明白。

樂天明見到佢咁樣問就拍着心口咁樣答：「CODE咁大，你一定未學晒所有嘅操作技巧啦，我哋呢度就係一個識得用無限暴擊嘅超重量級玩家。」





「嗱！咪使指擬我教無限暴擊啊！但反而有一招我覺得可以教一下你，但我哋都要由呢招招式嘅創始人允許，我先至教你！」夏時突然之間望住樂天明狠狠咁樣啤實佢，就連孫善尚嘅眼神都跟住夏時望住咗佢。

「望我做乜鬼啊？」樂天明完全唔搞唔明白咁樣問咗一句。

「嗱！呢個技巧我都係前幾日先發現嘅啫，前幾日同你PVP嘅時候，我就諗返起天明之前擦副本嘅時候用過呢一招，但我睇佢十成九都唔記得咗點樣用，因為係佢無意咁樣打咗出嚟⋯⋯」夏時越講，樂天明就越唔明白，佢快速咁樣撳咗幾個制，然後就隨即使用左好似閃現嘅技巧。

「哦⋯⋯原來係呢招！」樂天明呢一刻先至知道究竟發生咩事，佢自己認為應該就係太過專心打機最後條件反射打出嚟嘅一個技術，當然係呢一刻比夏時照版咁樣抄咗過嚟，並且好仔細咁樣拆解每一個動作嘅制係點樣撳，然後附帶咗一句話：「我叫呢招叫做迷蹤步。雖然條後生仔有陣時係冇來正經㗎啦，但係出乎意料有陣時都會有啲驚人嘅操作。」

比高手誇獎左一下嘅樂天明紅都面晒，夏時直接就叫孫善尚試咗一下，結果都唔錯， 孫善尚終於有返啲信心，接住落嚟應該就係唔同武器數據嘅分析。





但係時間係唔等人嘅！佢哋必須快啲刷新30級副本嘅最快紀錄，上善若水已經翻生左好一段時間，佢哋正式進入30級嘅副本-荒土爐心，入去之後跟隨喺後面嘅冥主-華麗奇蹟始終都係嚟遲咗一步。

係哈帝斯俱樂部，身為蘇奇華嘅隊友吳克尊鬧咗一下蘇奇華做乜要喺路上面停低然後寫咗一輪對方下一步嘅動作，然後激到人哋搞到要同人PVP，最後遲咗過嚟討伐時光倒流嗰一班人。

「都話咗你啦！冇事唔好亂咁預判人哋動作呀嘛！」吳克尊毫不留情咁樣鬧左蘇奇華一餐，蘇奇華只好連聲道歉。

「靜觀其變⋯⋯奇華！佢哋會出返嚟嘅機率係幾大？」身為隊長同埋公會會長嘅肖軒途帶着大班人馬諗住封殺時光倒流佢地，但係蘇奇華就講咗一句：「機會唔大⋯⋯佢哋冇必要今日冒呢個險，始終封殺三個人要浪費嘅人力物力太大，佢一定會覺得封殺多幾日都唔封殺㗎啦⋯⋯」就因為咁樣嘅分析冥主嘅會長就決定先撤兵，遲啲再睇下點樣，但身為隊員嘅吳克尊雖然唔憤氣，但只好跟住離開。

另外一邊係副本裏邊，三人本身打算連續飛走啲小怪然後直接攻打大Boss，但係時光倒流突然之間唔係好似之前一樣而係喺度專心打小怪，夏時先至突然之間解釋喎：「唔鬼記得左添！呢一場啲小怪有守護效果，打唔晒啲小怪嘅話會有隱形牆擋住我哋，然後就打唔到大Boss⋯⋯」





「又唔早響！」樂天明同孫善尚呢一刻先知道呢一關嘅特性，就連忙喺度擦小怪，因為啲小怪全部都唔係聚集埋一齊，所以打唔到無限暴擊，兩個都意識到呢個情況所以就喺度拉啲小怪嘅注意力集中去到時光倒流面前。

「仲有幾多MP值？」夏時無啦啦喺度問樂天明，而佢都照直咁樣回答話：「90%！」係呢個時候夏時佢喺度諗緊最佳嘅使用方法，左手操控角色移動右手就近攞咗張紙，然後寫低左幾個數字，50，40。60，30。

佢好似喺度計緊數咁，然後就將個答案講咗出嚟話：「等陣用63%嚟打大Boss，剩低27%用嚟打細怪，好似之前一樣升晒輔助隊友，狙擊手睇吓有冇留咗嘅細怪，幫我爆佢頭，冇嘅話就係咁意睇下我依邊有啲咩你可以幫下手打！」

「知道！」

「Ok！」

兩個人回應之後就迅速咁樣進行作戰，上善若水搵到一個唔錯嘅地形就喺度蹲點。天中明燈調整好狀態之後，亦都確認咗啲細嘅怪大致聚集埋一齊之後，就使出普通技能速度承載轉移速度比時光倒流作為攻速同埋MP值，夏時見到攻速加強左，睇嚟樂天明呢個後生仔開始識得點樣數值控制。

不過依家絕對唔係放鬆嘅時候，樂天明唔小心打多左1%嘅MP值，但佢完全冇講到，啲小怪清晒之後，三個人亦都隨時準備打大Boss，當然樂天明完全唔覺得1%可以影響幾多，佢就照返啱啱咁樣用普通技能支援時光倒流。

大Boss非常很受打算重擊佢哋兩個，點知時光倒流先下手為強，直接利用幾個連招打向大Boss，一個循環，點知夏時越打越吃力，好似覺得仲差少少野咁，結果打到差唔多第二個循環嘅時候斷咗連技，時光倒流係空中就嚟要比隻Boss打到殘血嘅時候，上善若水一招追蹤彈將大Boss個頭爆咗佢。





「三十級副本-荒土爐心由上善若水 時光倒流 天中明燈以5分鐘34秒完成，恭喜上善若水使用追蹤彈 ！」

樂天明同孫善尚感到非常驚險，差啲就破唔到最快紀錄，因為佢哋只係啱啱好仲差3秒就破唔到紀錄，佢哋為咗依件事而感到開心，但係夏時就一啲都唔覺得開心。

「我唔係講咗話63%嘅咩？」夏時好似有啲唔憤氣喺度講話，樂天明只好答番佢話：「啱啱唔小心打多左1% MP值，但而家唔係幾好咩？」夏時好似突然之間俾人拍中咗佢個掣，佢諗翻起10年前嘅約定佢完全唔可以面對自己。

「1%都係1%，打唔到無限暴擊就係打唔到，好心你啦！服從唔到命令就唔好打職業聯賽啦！」就咁樣夏時開始有啲嬲，但佢又好快咁樣意識到自己語氣真係有啲重，佢就話：「依家朝頭早啦⋯⋯你都係走先啦⋯⋯」樂天明雖然唔知道對方點解要嬲但都配合左佢離開咗，孫善尚隨後跟咗出去。

「佢似乎對無限暴擊有啲執着喎⋯⋯」孫善尚雖然見到樂天明好似受咗啲委屈，但同時亦都睇到佢好樂觀好似冇受到啲咩影響，但同時都好想了解到底點解對方要咁嬲，唔通真係有啲咩心結？

係佢哋思考嘅途中有個女仔同佢哋擦身而過然後去到網吧嗰度，一打開門口，就見到一班係網吧嘅人驚訝佢哋點解嗌交完之後，就繼續打機，其中個女仔亦都見到趴左係枱上面嘅夏時：「阿時哥哥，做乜趴左係枱上面嘅？」

「素素？」見到女仔嘅夏時心裏面突然時間好壓抑亦都好崩潰，就只係講咗一句話：「我對唔住你阿哥！對、對唔住！」





個女仔見到佢咁就話：「個約定啊？啱啱走嘅嗰兩位有67%係你嘅隊友嚟！」夏時完全知道呢個女仔可以估到啱啱發生咗啲咩事：「你真係咩都估到⋯⋯」個女仔又答咗句話：「因為佢哋個表情同你個表情好match到呀嘛！」

「有陣時呢⋯⋯男仔之間嘅約定破壞左大不了咪打過，更何況係我阿哥嗰啲約定，就唔好咁執着啦！」女仔開玩笑咁樣講話，然後就講咗一句話：「為咗佢傷和氣都唔係咁好⋯⋯」

夏時會心一笑，諗下又係⋯⋯雖然話一次冇做到都係冇做到，但都冇計嫁。

「話時話煲咗啲湯俾你啊，我們瞞住我屋企人過嚟㗎！」睇嚟女仔嘅屋企人並唔希望佢嚟到網吧呢啲地方，但女仔對呢個地方好似情有獨鍾咁。

「我都準備替更啦，等陣等曾叔嚟到我帶你食餐好嘅！」夏時好似化解左自己嘅心結，隨後就等待早晨嘅來臨。