《遊夢玩家》［夢想］［網遊］［電競］（全程廣東話）: 第七章 三十級副本再掀起風雲！

樂天明係練練下級嘅時候不知不覺已經嚟到Lv.29後段，距離朝頭早亦都剩返一粒鐘嘅時間，佢自己喺度諗緊有冇可能可以刷到三十級副本，佢即刻就返返去二樓去搵夏時同孫善尚，諗住同佢地一齊擦副本，一去到就見到佢哋喺度睇返好早之前職業聯賽創神嘅前聯盟槍神嘅操作同埋一系列之前比賽嘅影片。

「喂！你哋唔係咁無聊喺度睇返舊嘅片吖嘛？」樂天明笑咗一笑，之後夏時就解釋咗話：「睇返之前啲片可以分析其他隊伍嘅戰術，而且打少啲機都可以放鬆手部肌肉啦！係啦！練到Lv.30未啊？」樂天明見勢好自信咁樣回答話：「仲差一級，但應該差唔多啦，所以叫你地落去先！」夏時見到對方咁熱情，就只好鬆一鬆筋骨準備落去開打，孫善尚隨後都跟住落去。

點知一落到去樂天明睇返自己電腦螢幕嘅時候就發現自己遊戲角色已經死咗，都驚訝左一陣，問咗句：「點解咁嘅，我明明⋯⋯」夏時隨即解釋話：「好正常啫，Lv.25之後所有人都會變咗自由PVP，只不過係⋯⋯」呢個時候樂天明先至醒翻起有依件事，但夏時都發現有啲唔對路無啦啦點解會有人要打死樂天明個角色。

遊戲嘅公共聊天頻道上面突然寫咗好多句話。

「呢個咪係天中明燈，咁弱雞嘅！」





「先唔好講住啦！七大公會其中兩個要封殺佢哋，天中明燈喺三十級副本前面嗰達沙漠⋯⋯」

睇到咁樣嘅留言，樂天明開始有啲唔淡定，夏時就發覺到話：「唔通我哋要組Team嘅消息已經俾人知道咗？」

「咁接住落嚟你哋想⋯⋯」孫善尚問緊下一步要點樣應對成班人嘅圍攻。樂天明只好扮淡定咁樣講話：「有冇把握？」

「殺出重圍然後去打副本，需要你同我撐3分鐘，3分鐘之後我哋兩個應該可以趕到現場。打狙嗰個！你應該仲會俾人知道你係我哋隊裏邊嘅，幫我開路⋯⋯」夏時落咗命令之後就同孫善尚坐咗埋位然後準備開始登入遊戲。

另一方面天中明燈準備好復活，隨即就見到有人開槍打佢，見到呢種情況佢都即刻打出之前嗰個神奇嘅操作避開子彈，然後好快咁樣重置返之前點過嘅點數，點左啲提高攻速、瞬時速度同攻擊力嘅技能點，然後就開始佢自己嘅表演時間。





因為天中明燈係Driver嘅緣故，速度較其他職業有優勢，佢即刻衝左向啱啱打佢嘅Shooter嗰度，Shooter都見勢就退後，點知原來呢一個係陷阱。

Enter早前喺Shooter嘅位置安放在一個減速陷阱。當然天中明燈並無因為咁樣而中招跳過左個陷阱。

點知一波未停一波又起，兩個Writer使用左類似大規模火焰彈嘅技能準備攻擊天中明燈，但係睇嚟設計呢朝技能嘅時候並冇考慮到速度嘅問題，於是天中明燈亦都好快咁樣係空中使用飛牆避開左啱啱嘅攻擊。

只係見到佢攞住手中嘅長刀不停揮舞準備畜力攻擊身為狙擊手嘅Shooter，對方完全驚到喺度亂開槍，並且喺度心諗點解一招都唔中，點知第一刀天中明燈並無打中Shooter，對方正打算鬆一口氣嘅時候，天中明燈開咗技能，然後使用連續斬，連續斬嘅速度越嚟越快令到對方完全冇透氣嘅時間，就咁樣⋯⋯

KO左一隻，剩低三隻應該都唔難啦⋯⋯





戰場去到20級至30級遊戲廣場果一邊，時光倒流同上善若水直衝去30級副本嗰邊，後面一大班人跟上，打算劈低時光倒流嘅首級落嚟。

點知佢哋完全唔係對手，創意型嘅角色一隻都埋唔到佢身，比較有把握嘅Breaker、Loader同Driver可能都有機會可以埋佢身，但係依然都唔係佢嘅對手，時光倒流點左單體傷害同埋攻速，雖然其他玩家可能扣到佢少少血，但換來嘅可能係隨時俾人KO。

加上上善若水係背後做狙擊支援，要一次過打贏三條友，絕對唔係一件難事，去到中後期啲人先至發覺原來佢仲有個隊友，先至開始打算解決上善若水，但結果俾佢哋兩個包抄，依然都係打唔過⋯⋯

正係兩人即將到達副本前面嗰片沙漠嘅時候，一下榴彈射擊同時中傷左三位，雖然有啲人避開左，但天中明燈就冇咁好彩俾人迫到埋牆角先咁樣中咗一槍。

「時間唔係唔可以咁短嘅咩？吾通⋯⋯」 孫善尚見到落地嘅Timing同埋引爆嘅Timing，見到對方一定係一個高手，榴彈降落速度快之餘，亦都好精準地係佢哋面前引爆，用到呢個技術嘅人成個遊戲不出數人，擰轉頭睇一睇，見到創神-永世長傳依個名更加確認，對方應該就係Creator-創神嘅隊長，前聯盟槍神，周永祺，上善若水咩都冇講就沖左上去諗住同佢一打一，點知兩招失傳已久嘅追蹤彈，係最新嘅Server呢度被展現咗出嚟同時正式較量。

子彈係空中飛緊，經過兩人嘅微調，佢都打算係對方以為唔中嘅時候轉個頭爆頭，點知周永祺快人一步估到呢一步然後就退後左一步，只係因為呢一步上善若水俾人KO左，放慢鏡頭睇返其實係因為上善若水嘅子彈射程唔夠遠然後打唔中，唔通就係因為呢一步？對方完全計準晒武器嘅射程？

創神-永世長傳係公頻嗰度講話：「呢個就係我哋之間實力嘅差距，我哋呢度有嘅係全套齊全嘅系統，你哋呢？」就咁樣俾人講咗一句樂天明同埋孫善尚就完全打唔起精神，唔通佢哋就真係冇辦法彌補呢一個問題？

創神-永世長傳最後留低咗一句：「我勸你地唔好再發夢啦，加入現有嘅隊伍啦，咁樣對你對邊個都好，我哋今日唔會再封殺你地，但唔包保其他人會唔會，你地要做好心理準備！」然後就離開咗戰場。





夏時雖然咩都冇講但拍咗一下佢哋兩個嘅膊頭，然後講咗話：「接受佢啦，然後克服佢先係我哋而家要做野啊，我諗大家都攰啦休息一陣再玩啦⋯⋯」