《遊夢玩家》［夢想］［網遊］［電競］（全程廣東話）: 第四章 公會！做嘢！

經過左琴晚一戰之後，兩人喺朝頭早嘅時間各自返去自己嘅生活，樂天明返返屋企休息左一陣就去M記做嘢，而夏時亦都瞓咗成個朝早，去到夜晚黑兩人先約好咗返返去網吧繼續追隨自己嘅遊戲夢想。

目前兩人等級分別係Lv.15同Lv.17，冇記錯應該可以好快挑戰20級嘅副本，佢哋亦都約好今晚去擦呢一個副本。當然佢哋目前都係需要升下level，同時經過左琴晚嘅遊戲公告基本上而家成個遊戲嘅人都知道佢哋嘅存在，個個都爭住同佢地組隊。有公會嘅亦都有唔係公會嘅。

「喂⋯⋯夏時大佬呀，咁多公會邀我哋入去你覺得入邊個好啲？」雖然樂天明對七大戰隊所屬嘅公會有所認識，但其實夏時先係最了解七大公會唔同嘅作風。

「聽實啦，我只係講一次咋！創神，係有錢佬同埋設計師先玩嘅公會，冥主呢，得細路女先會去咋！一個二個無理正經玩咩陪玩！如果你想練技術嘅話太勁嗰啲都唔得，林森囉！有個阿姨喺度！」 樂天明完全gag唔明呢個遊戲業界生態圈裏面嘅真實面目。

「當然最好就係王朝啦，琴晚先贏咗，佢邀得你呀，絕對係睇好你啦！」夏時一邊擦小怪一邊喺度解釋。





「衰仔仲唔快啲升Lv？」就咁樣兩人有笑有談彼此之間都開始熟絡左，甚至夏時決定教吓樂天明一啲技術。佢哋升升下級突然之間夏時就停低咗講咗一句話：「係時候教你啲堅野啦⋯⋯」隨後佢哋兩個就去返十級副本-廢都核心，樂天明完全唔明白點解要咁樣做唔通又要擦多次最新最快紀錄？

「真正高手會睇得出佢每一步都係高手，其實琴日個最快紀錄我哋應該未算最快⋯⋯」夏時講咗一句野，但係樂天明依然係唔明白佢究竟想做乜嘢啊。

直至時光倒流喺牆壁上飛來飛去，樂天明先突然之間諗起呢件事。「我可以教到你嘅嘢唔多，無限暴擊實唔得㗎啦，試吓飛牆囉⋯⋯」

「咪、咪住先！點解無限暴擊唔可以教我？」樂天明好好奇地突然之間想知道無限暴擊係點樣做到，但係夏時西左佢臉。

「學到呢招算好啦，嗱，係咁樣㗎⋯⋯」 夏時西完臉之後，就教佢撳咗鍵盤嘅幾個關鍵制，有陣時甚至快到根本唔知道佢撳咗啲咩野。夏時都用左一段時間先令到樂天明知道點樣操作，但操作起嚟畫面又非常混亂令到佢有啲想作嘔嘅感覺。





「哇，呢一鑊真係堅，完全唔明點解你可以做到？」樂天明始終都係攞住個垃圾膠袋訓練着呢一招以防止萬一等一陣隨時會嘔。

隨後佢哋練到差唔多嘅時候就放棄攻略副本，樂天明就好奇咁問咗一問：「做乜突然之間退出嘅？」夏時只可以非常無奈咁答佢話：「完成嘅話咪又要俾人拍片，到時候仲出事呀！」好明顯其實夏時並唔想出名。

出返去遊戲廣場，周圍公會嘅人突然之間一擁而上，希望可以同兩位勁抽嘅人組隊，當然有男有女，相比呢啲情況下其實兩人並無太大要求，只係希望可以擦最新副本嘅最快時間記錄。

但途中夏時見到螢幕上面出現咗一個令佢關注嘅一個遊戲角色名。陳霆洪亦都係遊戲裏邊搵到佢嘅目標人物。兩個人心諗：終於搵到你啦⋯⋯

天中明燈跟隨住時光倒流去到王朝-雄霸天下面前，兩個帶頭嘅人開咗私人聊天，都不約而同咁樣講話：「我知道你係邊個？」聽到對方咁樣嘅問候，佢哋忍唔住微笑左一下然後就開始講正經野。





「呢個後生仔技術方面唔錯㗎，等陣使唔使俾你睇吓佢啲技術。」夏時不停喺度推介佢隔離枱呢位後生仔，似乎你們有條門路可以帶佢去成為職業選手。

「試過咪知道囉，夠Lv .20未？」顯然陳霆洪係想兩位同佢一齊打二十級嘅副本，並毫無疑問想擦下最快紀錄。

「啱啱好！」兩人自信滿滿咁樣表現出隨時作出遊戲戰鬥嘅準備。

「睇吓邊個打出呢個Server最大嘅無限暴擊？」 王朝-雄霸天下向時光倒流發咗挑戰書，兩個人都認為十年前嘅挑戰今日都要嚟試吓完成佢，夏時都默默咁樣撳咗確定制，樂天明完全搞唔明目前嘅狀況只好盲目跟隨。

「阿洪，搵我呀？」喺王朝娛樂公司訓練室秦偉信喺度問緊正喺度重拾返遊戲熱情嘅陳霆洪。

「最新Server嘅數據研究咗未，陪我打二十級副本啊⋯⋯」見到如此對遊戲充滿熱誠嘅陳霆洪，秦偉信只係希望呢條友仔唔好再食煙於是就答應咗佢。

「好！嚟啦！」隨着一聲令下，四人同時使出連環飛牆，透過觀戰圍觀呢一場討伐嘅人圍數並唔少，淨係見到四位都係高手，當然啦樂天名佢依然有啲緊張好驚等一陣會嘔咗出嚟。

去到大Boss面前，四個人同步使出渾身解數，陳霆洪嘅Breaker王朝-雄霸天下同夏時嘅Loader時光倒流衝上前打出最高嘅輸出。一個循環，兩個循環，秦偉信嘅Supporter同樂天明嘅Driver持續喺隔離為兩位不停補充能量。





最後⋯⋯

「 二十級副本-死海苦心由王朝-雄霸天下 時光倒流 王朝-偉大信仰天中明燈以3分鐘11秒完成，恭喜王朝-雄霸天下 時光倒流使用無限暴擊！」

隨着最快紀錄嘅誕生，圍觀嘅玩家都為呢一樣野而振奮，因為呢個紀錄打破咗之前任何一個Server嘅紀錄。但四個人並無因為咁樣而鬆懈落嚟，接住落嚟佢哋休息左幾秒，但夏時忽略咗一件事，就係隱藏Boss嘅行動特性。

隨着遊戲公告「隱藏Boss來臨！鬼海妖女！」 嘅出現，隱藏Boss直接打向王朝-偉大信仰同天中明燈，秦偉信因為有研究過所以避得開，但係樂天明居然係被攻擊嘅最後一剎那避開左，佢自己都嚇咗一嚇，最後佢哋繼續使用無限暴擊，最後20秒都唔夠就已經打敗咗隱藏嘅Boss。

返返去遊戲廣場，只見一系列嘅邀請，七大公會爭住要夏時同樂天明入會，當然以 陳霆洪為首嘅王朝開始對樂天明有興趣。係呢個時候突然之間係公共聊天頻道上面，創神嘅會長創神-永世長傳更加揚言要買咗佢嘅帳，當然作為一個玩家可以重新開過個帳去王朝進行訓練，亦都可以因為咁易賺到一筆。

但樂天明總係覺得有啲奇怪，佢唔想咁樣，佢總係覺得缺乏挑戰，雖然可能可以成為職業選手，但如果冇貴人相助呢⋯⋯

坐係佢隔離嘅夏時都知道佢有啲苦惱，但係佢心目中只要有樂天明帶起呢一個遊戲重新振作嘅話比一切都好，自己就差唔多功成身退。





最後樂天明佢嘅做咗一個決定：「唔好意思我唔會賣咗呢一個帳，亦都唔會加入任何一個公會。」夏時當場啞左。隨着樂天明熄咗電腦之後，隔離枱嘅夏時問咗佢一句：「你玩我呀！而家先話唔入！」

樂天明見到對方咁嚴肅嘅表情只好笑住咁樣答：「因為我希望自己組織隊伍呀其實⋯⋯」夏時從來冇諗過居然係咁樣嘅一個回答。

「你有公司咩？有人力咩？有金錢咩？」夏時繼續質問樂天明。

「我冇⋯⋯所以我會努力爭取返嚟！」此時此刻坐喺對面枱嘅一位少女除咗耳機聽到佢哋嘅吵鬧聲字講咗一句話：「唔好意思太嘈啦！阻住我聽聲！」兩人抱歉左之後只好坐返低，低聲咁樣一問一答。

「人力呀⋯⋯我唔算係呀⋯⋯」一槍一個一槍一個，少女正喺度用緊遊戲角色裏便嘅狙擊槍逐個逐個爆頭。